ក្នុងឱកាស អញ្ជើញសម្ភោធអគារសិក្សាវិទ្យាល័យ ប៊ុន រ៉ានី ហ៊ុនសែន ចរិយាវង្ស ខេត្តកែប នៅថ្ងៃទី២៣ ខែធ្នូ ឆ្នាំ២០១៧ នេះ សម្តេចតេជោ ហ៊ុន សែន នាយករដ្ឋមន្ត្រី មានប្រសាសន៍ថា៖ ខេត្តកែបនេះគឺជាខេត្តលេខ១ ដែលបានបោះឆ្នោតគាំទ្រគណបក្សប្រជាជនកម្ពុជា។ ទោះបីជាខេត្តនេះតូចបន្តិចមែន តែរាល់ការបោះឆ្នោតកន្លងមក គឺគណបក្សប្រជាជនតែងតែឈ្នះដាច់ ឈ្នះរហូតដល់ជាង៩០%។ តាមរយៈលទ្ធផលនេះ គឺបង្ហាញពីការគាំទ្រយ៉ាងពេញទំហឹងចំពោះការដឹកនាំរបស់គណបក្រប្រជាជន។
លោកនាយករដ្ឋមន្ត្រីបានបន្តទៀតថា៖ ខ្ញុំសូមជូនពរបងប្អូនប្រជាពលរដ្ឋ និងកូនក្មួយក្នុងខេត្តកែបទាំងអស់ ហើយសង្ឃឹមថានៅ ថ្ងៃទី២៩ ខែកក្កដា ឆ្នាំ២០១៨ បងប្អូនទូទាំងខេត្តនឹងបន្តបោះឆ្នោតឱ្យគណបក្សប្រជាជនកម្ពុជាជាបន្តទៀត។
សម្តេចក៏បាន អរគុណ ដល់បងប្អូនប្រជាពលរដ្ឋ នៅក្នុងខេត្តកែបទាំងមូលដែលតែងតែគាំទ្រដល់ការដឹកនាំរបស់សម្តេច និងបានបោះឆ្នោតជូនគណបក្សប្រជាជនកម្ពុជា។ សូមជូនពរប្អូននជនរួមជាតិជួបតែសេចក្តីសុខ និងសំណាងល្អគ្រប់ៗគ្នា។
