កូរ៉េខាងត្បូង៖ ទីក្រុងសេអ៊ូលគ្រោងចែកស្រោមអនាម័យដល់សិស្សវិទ្យាល័យ ដោយឥតគិតថ្លៃហើយនៅឆ្នាំក្រោយស្រោមអនាម័យគេនឹងដាក់លក់នៅបរិវេណសាលាក្រុងវិញ ដើម្បីលើស្ទួយ “សុវត្ថិភាពផ្លូវភេទ”។ ប៉ុន្តែគម្រោងនេះមានការកែប្រែ បន្ទាប់ពីរងការរិះគន់យ៉ាងចាស់ដៃពីសំណាក់មហាជន។
តាមគម្រោងនេះ គឺអាចចាប់ផ្តើមពីការិយាល័យគិលានុបដ្ឋាយិកា ហើយសោមអនាម័យទាំងនោះនឹងលក់តាមរយៈម៉ាស៊ីន ដែលមាននៅក្នុងបរិវេណសាលាក្រុងសេអ៊ូល។ រដ្ឋាភិបាលនិយាយថា ផែនការខាងលើកំពុងរងប្រតិកម្មដោយមានញត្តិរបស់ប្រជាពលរដ្ឋដែលបានលើកឡើងនៅក្នុងពិព័រណ៍មួយកាលពីពេលថ្មីៗនេះ ក្នុងន័យស្នើឲ្យមានគោលនយោបាយប្រសើរជាងនេះ។
វិធានការនេះ គឺស្ថិតនៅក្នុងសេចក្តីព្រាងដំបូងនៃ “ផែនការបឋមសិទិ្ធមនុស្សសម្រាប់ឆ្នាំ ២០១៨-២០២២” របស់សាលាក្រុង ដែលនឹងត្រូវចេញផ្សាយនៅដើមឆ្នាំក្រោយ។ នេះបើយោងតាម លោកChosun Ilbo ដែល សាព័ត៌មាន The Korean Times។
អ្នកស្រាវជ្រាវអប់រំផ្លូវភេទ និកាយកាតូលិកម្នាក់បាននិយាយថា៖ “អ្វីដែលសិស្សត្រូវការគឺជាការអប់រំអំពីការទទួលខុសត្រូវ មិនមែនអំពីការការពារក្នុងពេលរួមភេទនោះទេ”។
ឪពុកម្តាយសិស្សអនុវិទ្យាល័យម្នាក់បាននិយាយថា “តើអ្វីជាភាពខុសគ្នារវាងការចែកចាយស្រោមអនាម័យនៅសាលារៀននិងការបង្ហាញឱ្យពួកគេមានការរួមភេទច្រើនជាង? វាគួរតែត្រូវបានជំនួសមកវិញដោយការអប់រំផ្លូវភេទប្រសើរជាង មិនមែនចំណាយលើការបង្ហាញស្រោមអនាម័យនោះទេ។
អ្នកផលិតស្រោមអនាម័យ ក្រុមហ៊ុន Eva Condomរបស់កូរ៉េខាងត្បូង បានគាំទ្រសំណើនេះ។ ហើយកុងតឺន័រចែកស្រោមអនាម័យបានដំឡើងរួចរាល់ហើយនៅ៥កន្លែងនៅទូទាំងទីក្រុងសេអ៊ូល,ដេជហ្គូនិងក្វាងជូ។
នាយកប្រតិបត្តិក្រុមហ៊ុនខាងលើបាននិយាយថា សិស្សានុសិស្សត្រូវតែមានលទ្ធភាពប្រើប្រាស់ស្រោមអនាម័យបានយ៉ាងងាយស្រួល ពីព្រោះថាវិទ្យាល័យនៅប្រទេសបារាំង ក៏មានដំឡើងម៉ាស៊ីនលក់ស្រោមអនាម័យផងដែរ៕