នៅថ្ងៃទី១១ ខែធ្នូ ឆ្នាំ២០១៧ អង្គភាពប្រឆាំងអំពើពុករលួយចេញសេចក្តីជូនដំណឹងជម្រាបដល់តំណាង និងសមាជិកក្រុមប្រឹក្សារាជធានី ខេត្ត ក្រុង ស្រុក ខណ្ឌ និងឃុំ-សង្កាត់ ទាំងអស់ដែត្រូវបានបញ្ឍប់ដោយសារគណបក្សត្រូវរំលាយតាមអំណាចសាលដីកាតុលាការកំពូល កាលពីថ្ងៃទី១៦ ខែវិច្ឆិកា ឆ្នាំ២០១៧ គឺតម្រូវឱ្យប្រកាសទ្រព្យសម្បត្តិ និងបំណុលជូនមក អង្គភាពប្រឆាំងអំពើពុករលួយ យ៉ាងយូរ៣០ថ្ងៃ ក្រោយពីការចាកចេញពីមុខតំណែង។
សេចក្តីជូនដំណឹងនេះ អំពាវនាវឱ្យបុគ្គលជាប់កាតព្វកិច្ចប្រកាសទាំងអស់ រួសរាន់មកប្រកាសទ្រព្យសម្បត្តិ និងបំណុលរបស់ខ្លួនឱ្យបានទាន់ពេលវេលាតាមការកំណត់របស់ច្បាប់។
