សៀមរាបៈ នារីរូបស្អាត២នាក់ ត្រូវបានកម្លាំងសមត្ថកិច្ចជំនាញ បានកសាងសំណុំរឿង បញ្ចូនទៅសាលាដំបូងខេត្តថ្ងៃទី២៨ ខែធ្នូ ឆ្នាំ២០១៧ ដើម្បីចាត់ការទៅតាមនីតិវិធីច្បាប់ បន្ទាប់ពីកម្លាំងការិយាល័យប្រឆាំងគ្រឿងញៀន សហការជាមួយកម្លាំងប៉ុស្តិ៍នគរបាលរដ្ឋបាលសង្កាត់ស្លក្រាមបាន ឃាត់ខ្លួននៅក្នុងបន្ទប់ជួល ក្រុមទី៤ ភូមិទ្រាំង សង្កាត់ស្លក្រាម ក្រុងខេត្តសៀមរាប នៅថ្ងៃពុធ១០កើត ខែបុស្ស ឆ្នាំរកា ព.ស ២៥៦១ ត្រូវនឹងថ្ងៃទី២៧ ខែធ្នូ គ.ស ២០១៧ វេលាម៉ោង១០និង២០នាទីព្រឹកម្សិលមិញ។
នារីរូបស្រីទាំងពីរ ទី១ឈ្មោះ យេ យ៉ង់ ហៅស្រីពៅ អាយុ១៧ឆ្នាំ មុខរបរគ្មានទីលំនៅភូមិពាក់ស្ពាឃុំសង្វើយ ស្រុកជីក្រែងខេត្តសៀមរាប។ ២ ឈ្មោះ វណ្ណា ស្រីខួច ភេទស្រី អាយុ២៦ឆ្នាំ មុខរបរគ្មាន ទីលំនៅភូមិភ្នំក្រោម សង្កាត់សៀមរាប ក្រុងខេត្តសៀមរាប។
ក្រោយពីឃាត់ខ្លួន កម្លាំងជំនាញដកហូតឧបករណ៍ប្រើប្រាស់ថ្នាំញៀនមួយចំនួន និងទូរស័ព្ទដៃ៣គ្រឿង៕
