ភ្នំពេញៈ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានថ្លែងថា សម្តេចមានអារម្មណ៍ឯកោតាំងពីពេលនេះទៅ។ ឯកោនេះ គឺសម្ដេចបានសំដៅទៅលើចៅៗរបស់សម្តេច ដោយសារនៅពេលពួកគេទៅរៀនបាត់ៗ បានធ្វើឲ្យផ្ទះស្ងប់ស្ងាត់ ប៉ុន្តែពេលត្រឡប់មកវិញ បានធ្វើឲ្យសប្បាយចិត្ត មានភាពអ៊ូអរឡើងវិញ។
នេះជាប្រសាសន៍របស់សម្តេចតេជោ ក្នុងជំនួបសួរសុខទុក្ខកម្មករ-កម្មការិនី ចំនួន១៥,១៣៣នាក់ មកពីរោងចក្រចំនួន១៣ ស្ថិតនៅតំបន់ទំនប់កប់ស្រូវ ខណ្ឌពោធិ៍សែនជ័យ រាជធានីភ្នំពេញ នៅព្រឹកថ្ងៃទី១៣ ខែធ្នូ ឆ្នាំ២០១៧។
សម្តេចតេជោ បានថ្លែងថា “ពេលចៅៗទៅរៀនបាត់ ធ្វើឲ្យស្ងាត់ ប៉ុន្តែឲ្យតែឮសំឡេងកោកៗ គឺពួកគេមកវិញហើយ។ ខ្ញុំមានអារម្មណ៍ឯកោ តាំងពីពេលនេះទៅហើយ”៕
