ភ្នំពេញៈ កាលពីពេលថ្មីៗ សាលារាជធានីភ្នំពេញបានណែនាំឲ្យអនុវត្តន៍ច្បាប់ចរាចរណ៍ជើងគោក និងសណ្ដាប់ធ្នាប់ក្នុងរាជធានីភ្នំពេញ ពោលមិនឲ្យលក់នៅលើចិញ្ចើមផ្លូវ និងផ្លូវសាធារណៈក្នុងមូលដ្ឋាន តែបែរជាអាជីកលក់ធូរេន នៅតាមបណ្ដោយផ្លូវព្រះសីហនុ មិនស្ដាប់តាមការណែនាំរបស់អាជ្ញាធរ និងសមត្ថកិច្ចឡើយ។
បើតាមសម្តីលោក ប៉ាត សំណាត មេប៉ុស្តិ៍នគរបាលរដ្ឋបាលបឹងព្រលិត បានឲ្យដឹងថា គាត់មិនមែនមិនឲ្យពួកគាត់លក់នោះទេ ប៉ុន្តែពួកគាត់នៅតែលក់ត្រង់ចំណុចស្តុប តាមបណ្ដោយផ្លូវលេខ១០៥ កែងព្រះសីហនុ ដែលបង្កឲ្យមានការកកស្ទះចរាចរ ហើយលោកក៏បានចុះណែនាំដល់អាជីវកលក់ធូរេន ខាងលើជាច្រើនលើកច្រើនសារមកហើយ ដោយស្នើសុំឲ្យបងប្អូនអាជីវករ ផ្លាស់ប្តូទីតាំងទៅលក់ឲ្យឆ្ងាយពីស្តុបបន្តិចទៅ ដើម្បីងាយស្រួលប្រជាពលរដ្ឋជិះម៉ូតូ ឬជិះរថយន្តមកទិញ ធូរេន ឬចតកុំឲ្យកកស្ទះចរាចរផងដែរ ប៉ុន្តែអាជីវកមិនព្រមស្តាប់ការណែនាំរបស់អាជ្ញាធ សមត្ថកិច្ចនោះទេ បែរជានាំគ្នាផ្ទុះកាតវ៉ាទៅវិញ ខណ:អាជា្ញធរចុះរៀបចំសណ្តាប់ធ្នាប់ ៕
បើតាមសម្តីអ្នកលក់ម្នាក់ បានលើកឡើងថា គាត់ទើបតែមកលក់ជាថ្ងៃដំបូង ប៉ុន្តែនៅពេលដែលមកលក់ ក៏មានសមត្ថកិច្ចចុះមកចាប់តែម្តង៕
