ព្រះសីហនុៈ ក្មេងប្រុសអាយុ៩ឆ្នាំ បានលង់ទឹកស្លាប់ នៅវេលាម៉ោង៣៖៣០នាទីរសៀល ថ្ងៃអាទិត្យ ៦រោច ខែបុស្ស ឆ្នាំរកា ព.ស២៥៦១ ត្រូវនឹងថ្ងៃទី៧ ខែមករា ឆ្នាំ២០១៨ នៅចំណុចភូមិស្ទឹងសំរោង ឃុំអូរបាក់រទេះ ស្រុកកំពង់សីលា ខេត្តព្រះសីហនុ នៅខណៈកុមារារងគ្រោះទៅមើលគោ។
សមត្ថកិច្ចមូលដ្ឋានបានឲ្យដឹងថា មានករណីក្មេងលង់ទឹកស្លាប់ បានកើតឡើងលើសពក្មេងរងគ្រោះឈ្មោះ ប្រុស សុខជា ភេទប្រុស អាយុ៩ឆ្នាំ មានទីលំនៅភូមិឃុំកើតហេតុខាងលើ។ មូលហេតុ ក្មេងប្រុសខាងលើ ទៅមើលគោ ហើយចុះលេងទឹកស្រះ ក៏បណ្តាលឲ្យលង់ទឹកតែម្តង។
បច្ចុប្បន្ន សពកុមារារងគ្រោះ ត្រូវបានក្រុមគ្រួសារ យកមកធ្វើបុណ្យតាមប្រពៃណីក្រោមក្ដីអាឡោះអាល័យពន់ពេក៕
