ទួរគីៈ ប្រព័ន្ធផ្សព្វផ្សាយរបស់ទួរគី បានឲ្យដឹងថា យន្តហោះដឹកអ្នកដំណើរមួយគ្រឿងរបស់ក្រុមហ៊ុនអាកាសចរណ៍ Pengasus បានរត់ធ្លាក់ផ្លូវ របស់អាកាសយានដ្ឋានជាប់មាត់សមុទ្ររបស់ទីរគី និងបានធ្វើឲ្យយន្តហោះសំយ៉ុងក្បាលចុះទៅក្នុងសមុទ្រខ្មៅតែម្តង ប៉ុន្តែមិនមែនមានអ្នកដំណើរ ឬអាកាសយានិកណាម្នាក់ រងរបួសនោះឡើយ។
យោងតាមប្រព័ន្ធផ្សព្វផ្សាយរបស់ទួរគី បានឲ្យដឹងថា យន្តហោះមួយគ្រឿងនេះ ដឹកអ្នកដំណើររួមទាំងក្រុមអាកាសយានិកសរុប១៦២នាក់ ពុំមាននរណាម្នាក់ រងរបួសនោះទេ។
វីដេអូដែលបានបង្ហាញ ឃើញភាពស្លន់ស្លោនៅលើយន្តហោះ ក្រុមហ៊ុន Pengasus មុនពេលដែលពួកគេត្រូវបានជម្លៀសខ្លួនចេញដោយសុវត្ថិភាព។
អង្គភាពអាកាសចរណ៍ បាននិយាយថា យន្តហោះធន Boeing 737-800 បានធ្វើដំណើរចេញពីទីក្រុងអង់ការ៉ា ដោយបានជួបឧប្បត្តិហេតុ ពេលដែលវាព្យាយាមចុះចតនៅអាកាសយានដ្ឋាន Trabzon ស្ថិតនៅភាគខាងត្បូងប្រទេសទួរគី៕
