ពោធិ៍សាត់ៈ សិស្សានុសិស្សនៅអនុ និងវិទ្យាល័យហ៊ុនសែន បាក់ចិញ្ចៀន ១២នាក់ ក្នុងនោះស្រី១១នាក់ និងប្រុសម្នាក់ បានដួលសន្លប់បន្តបន្ទាប់គ្នា មិនដឹងមូលហេតុ កាលពីវេលាម៉ោង៩ព្រឹកថ្ងៃទី២៥ ខែមករា ឆ្នាំ២០១៨ ក្នុងសាលាអនុ និងវិទ្យាល័យហ៊ុនសែន បាក់ចិញ្ចៀន ស្ថិតក្នុងឃុំបាក់ចិញ្ចៀន ស្រុកភ្នំក្រវាញ ខេត្តពោធិ៍សាត់។
ភ្លាមនោះលោកគ្រូអ្នកគ្រូ ក៏បានដឹកជញ្ជូនសិស្សានុសិស្សទាំងនោះ មកសង្គ្រោះបន្ទាន់ នៅមន្ទីរពេទ្យបង្អែកពោធិ៍សាត់ ដែលបង្កឲ្យមានការភ្ញាក់ផ្អើលតែម្តង។ ហើយនៅពេលនេះសិស្សសាលាទាំងនោះ បានមានអាការៈធូរស្រាលបន្តិចហើយ គិតត្រឹមម៉ោង១២ថ្ងៃត្រង់នេះ។
ករណីដួលសម្លាប់នេះ នៅមិនទាន់ដឹងមូលហេតុឲ្យច្បាស់លាស់នៅឡើយទេ ព្រោះថា ក្រុមគ្រូពេទ្យកំពុងដុតដៃដុតជើងធ្វើការសង្គ្រោះ និងកោសល្យវិច័យ៕
