ភ្នំពេញ៖ ហេតុការណ៍គ្រោះថ្នាក់ចរាចរណ៍ ដ៍រន្ធត់ទាំងព្រឹក ថ្ងៃទី១៩ ខែមករា ឆ្នាំ២០១៨ នៅ ភូមិព្រែកថ្មី សង្កាត់ព្រែកថ្មី ខណ្ឌច្បារអំពៅ ក្រុងភ្នំពេញ រវាងរថយន្តដឹកដីបុករះម៉ូតូ និងរថយន្ត បណ្ដាលក្មេង ចាស់ ២នាក់ បានស្លាប់ និងរបួសម្នាក់។
ក្រោយកើតហេតុ អ្នកស្លាប់ទាំង២នាក់ត្រូវបានសាច់ញាតិ យកទៅធ្វើបុណ្យ តាមប្រពៃណី ចំនែកអ្នករងរបួសបញ្ជួនទៅសង្គ្រោះបន្ទាន់នៅមន្ទីរពទ្យ ។
បើតាមអ្នកឃើញហេតុការណ៍បានបញ្ជាក់ប្រាប់ថា៖ មុនពេលកើតហេតុគេបានឃើញរថយន្តបែន ដឹកដី ដែលបើកបរក្នុងល្បឿនលឿន បើកលើផ្លូវលេខ១១០ ក្នុងភូមិចំពុះក្អែក សង្កាត់ព្រែកថ្មី បានបើកបុករះម៉ូតូ៥គ្រឿង រថយន្ត១គ្រឿង ហើយរថយន្តបង្កបានក្រឡាប់ នៅក្បែរនោះតែម្ដង។
ចំនែកវត្ថុតាងត្រូវបានសមត្ថកិច្ច យកទៅរក្សាទុកនៅស្នងការដ្ឋាន នគរបាលក្រុងភ្នំពេញ រង់ចាំដោះស្រាយគ្នានៅពេលក្រោយ៕
