១- ថ្មីៗនេះ តាមរយៈគណនីទំព័រហ្វេសប៊ុក សុវណ្ណភូមិ ខ្មែរ Chham Chhany បានបញ្ចេញព័ត៌មានថា ពិធីការិនីចាស់វស្សា ឌួង ហ្សូរីដា នាងគឺជាអ្នកដឹកញីប្រស៊ីឈ្មោល ឬ ហៅថាម៉ែយ៉ែម យកតារាស្រីៗវ័យក្មេងទៅឲ្យតាតា និងអ្នកមានអំណាច ដើម្បីទទួលបានប្រាក់ភាគលាភរាប់ពាន់ដុល្លារ។ ប៉ុន្តែ រឿងរ៉ាវនេះត្រូវបាននាងចេញមុខបដិសេធថា គឺជាការលាបពណ៌ ក្នុងគោលបំណងចង់បង្ខូចកេរ្តិ៍ឈ្មោះនាងតែប៉ុណ្ណោះ។
២- អ្នកស្រី ផាន់ សម្ផស្ស ម្តាយតារាសម្តែង សារ៉ាយ សក្កណា កាលពីខែសីហា ឆ្នាំ ២០១៦ កន្លងទៅ ត្រូវបានប្រភពមួយចំនួនទម្លាយថាអ្នកស្រី គឺជាម៉ែយ៉ែម។ ទោះជាយ៉ាងណា ជុំវិញរឿងរ៉ាវនេះ សារ៉ាយ សក្កណា ចេញមុខបញ្ជាក់នៅលើហ្វេសប៊ុកនាងថា៖ អំពើល្អដែលខ្ញុំ និងម៉ាក់ខ្ញុំបានសាង សូមជួយថែរក្សាក្រុមគ្រួសារខ្ញុំ ហើយអ្នកដែលបង្ខូចកេរ្តិ៍ឈ្មោះខ្ញុំសូមឲ្យអ្នកទទួលបាននូវអ្វីដែលអ្នកបានធ្វើចុះ ទេវតាមានភ្នែក។ សូមអរគុណអ្នកទាំងអស់គ្នា ដែលបានជឿជាក់ និងផ្ដល់កម្លាំងចិត្តសូមឲ្យទេវតាតាមថែរក្សាអ្នកទាំងអស់គ្នា"។
៣- ចែ មុំ ថៅកែហាងកែសម្ផស្ស មីកាហ្សា ត្រូវបានសមត្ថកិច្ចឃាត់ខ្លួនកាលពីថ្ងៃទី១៩ ខែកញ្ញា ឆ្នាំ២០១២ ពាក់ព័ន្ធនឹងករណីថៅកែស្រីរូបនេះនាំនារីវ័យក្មេង និងតារាមួយចំនួនទៅឲ្យតាតា ដោយតុលាការចេញសាលក្រមឲ្យជាប់ពន្ធនាគារ ៤ឆ្នាំ និង៦ខែ អំឡុងខែមីនា ឆ្នាំ២០១៣។ ការសម្រេចនេះ បានធ្វើឲ្យ ចែ មុំ បង្ហូរទឹកភ្នែក និយាយទាំងអួលដើមកទៅកាន់មេធាវីថា ការកាត់ក្ដីនេះពិតជាអយុត្តិធម៌ចំពោះអ្នកស្រីខ្លាំងណាស់ ព្រោះខ្លួនមិនបានប្រព្រឹត្តិដូចការចោទប្រកាន់ឡើយ។ ថ្មីៗនេះ ចែមុំ បានបង្ហាញវត្តមានជាមួយមិត្តភក្តិបន្ទាប់ពីមានសេរីភាពឡើងវិញ។
និង ៤-អ្នកស្រី អូ រស្មី តារាចម្រៀងរដឺន កាលពីថ្ងៃទី៣១ ខែធ្នូ ឆ្នាំ២០១៥ ត្រូវបានសាលាដំបូងរាជធានីភ្នំពេញប្រកាសសាលក្រមកំបាំងមុខ ដោយសម្រេចដាក់ពន្ធនាគារ៧ឆ្នាំ និងបង្គាប់ឲ្យសងជំងឺចិត្ត ២០ ម៉ឺនរៀលទៅជនរងគ្រោះ ពីបទនាំក្មេងស្រីវ័យ ១៤ ឆ្នាំម្នាក់ទៅរួមភេទជាមួយអាណិកជនខ្មែរ។ ការសម្រេចនេះត្រូវបានតារាចម្រៀងរូបនេះ និងមេធាវី លើកឡើងថាពិតជាអយុត្តិធម៌ខ្លាំងណាស់ ព្រោះកូនក្ដីខ្លួនមិនមានទោសដូចការចោទប្រកាន់ឡើយ។
តើប្រិយមិត្តយល់យ៉ាងណាដែរចំពោះបុគ្គលទាំង៤រូបខាងលើ?