កំពង់ឆ្នាំងៈ ស្ត្រីម្នាក់ ត្រូវបានជនល្មើសរំលោភ រួចសម្លាប់ បង្កការភ្ញាក់ផ្អើលកាលពីវេលាម៉ោង៥និង៤០នាទីល្ងាចថ្ងៃទី១២ ខែកុម្ភៈ ឆ្នាំ២០១៨ ស្ថិតនៅក្នុងភូមិក្បាលកាឡង់ ឃុំពាមឆ្កោក ស្រុកជល់គីរី ខេត្តកំពង់ឆ្នាំង។
ស្ត្រីរងគ្រោះឈ្មោះ ហ៊ន ណាវី អាយុ២១ឆ្នាំ រស់នៅក្នុងភូមិឃុំកើតហេតុខាងលើ។ ចំណែក ជនល្មើស ក្រោយធ្វើសកម្មភាព បានរត់គេចខ្លួនបាត់ ខណៈដែលសមត្ថកិច្ចកំពុងបើកការស្រាវជ្រាវតាមចាប់ខ្លួនយកមកផ្ដន្ទាទោស។
បើតាមសន្និដ្ឋានរបស់សមត្ថកិច្ចជំហានតំបូង បានឲ្យដឹងថា ស្ត្រីរងគ្រោះ មានប្តី និងកូន មុនពេលកើតហេតុមានការឈ្លោះប្រកែកគ្នា ក្រោយមកឃើញស្រ្តីរងគ្រោះស្លាប់ ដោយរាងកាយ អាក្រាតតែម្ដង៕
