ប្រហែលជាប្រិយមិត្តបានជ្រាបហើយ ទាក់ទងនឹងការចាប់ខ្លួន លោក ប៊ុត សីហា ដែលជាតារាចម្រៀង និងជាអតីតម្ចាស់ជ័យលាភី The Voice Cambodia រដូវកាលទី១ នៅវេលាម៉ោងប្រមាណ ៥ និង៣០នាទីល្ងាច ថ្ងៃទី២១ ខែកុម្ភៈ ឆ្នាំ២០១៨នេះ ស្ថិតនៅមុខសាលាបឋមសិក្សាពងទឹក សង្កាត់ពងទឹក ខណ្ឌដង្កោ រាជធានីភ្នំពេញ។
ក្រោយព័ត៌មាននេះបានចុះផ្សាយ ធ្វើឲ្យមហាជនជាច្រើនមានការសោកស្ដាយយ៉ាងខ្លះចំពោះរូបលោក ដែលនាមជាតារាចម្រៀងមួយរូប ក៍ជាគំរូសម្រាប់មហាជនទូទៅបែរជាមកធ្វើរឿងដែលសង្គមស្អប់ខ្ពើមបែបនេះ។
ប៉ុន្តែបើងាកមកខាងគ្រួសារ លោក ប៊ុត សីហា វិញ អ្នកនាង ឃុន ស្រីនាង ត្រូវជាភរិយា បានបញ្ជាក់ប្រាប់សារព័ត៌មានក្នុងស្រុកមួយថា ៖
កាលពីល្ងាចមិញ (ថ្ងៃទី២១)ម៉ោង៥ និង៣០នាទី លោក ប៊ុត សីហា ពិតជាត្រូវបានចាប់ខ្លួននៅម្ដុំសាលាបឋមសិក្សាពងទឹក ក្នុងខណ្ឌដង្កោមែន ពីបទាក់ព័ន្ធនឹងគ្រឿងញៀន ប៉ុន្តែលោកត្រូវបានដោះលែងវិញនាពេលបន្ទាប់នៅវេលាម៉ោងប្រមាណជាជិត១២យប់ ថ្ងៃទី២១ កុម្ភៈនោះវិញ ក្រោយពីខាងសមត្ថកិច្ចស្រាវជ្រាវឃើញថានោះជាការយល់ច្រលំ។
តែអ្នកនាងបានសារភាពថាដោយសារតែលោក (ប៊ុត សីហា)បម្រើការឲ្យេម្នាក់ដែលពាក់ព័ន្ធនឹងករណីនេះ ទើបមានការសង្ស័យហើយឈានដល់ការចាប់ខ្លួនដើម្បីយកទៅសាកសួរតែម្ដង ហើយខាងមន្ត្រីសមត្ថកិច្ចនៅខណ្ឌដង្កោមានបំណងចង់កែព័ត៌មានផងដែរ ប៉ុន្តែព័ត៌មានបានចេញទៅលឿនរួចបាត់ទៅហើយ។
យ៉ាងណាមិញខាងភរិយារបស់លោកហាក់មិនភ្ញាក់ផ្អើលនឹងដំណឹងដែលធ្វើឲ្យស្វាមីរបស់ខ្លួនរងការអាម៉ាស់នោះទេ ដោយអ្នកនាងយល់ថាក្នុងពេលដ៏ខ្លីអ្វីៗនឹងត្រូវស្ងប់ស្ងាត់ ទៅវិញ ហើយអ្នកនាងបានបន្តថា អ្នកនាង រួមរស់ជាមួយប៊ុត សីហា ៤ឆ្នាំ និងមានកូនមួយទៀត មិនដែលដឹង ថារូបលោក ពាក់ព័ន្ធ ឬជក់គ្រឿងញៀនអ្វីនោះទេ។។
ចុះប្រិយមិត្តយល់យ៉ាងណាដែរ?
