ក្នុងឱកាសឯកឧត្តមរដ្ឋមន្ត្រីចុះសួរសុខទុក្ខមន្ត្រីរាជការផ្ទាល់ដែលបម្រើការងារនៅផ្សារទំនើបអ៊ីអន ឯកឧត្តម ស៊ុន ចាន់ថុល ទេសរដ្ឋមន្ត្រី មានប្រសាសន៍ថាប្រទេសក្នុងតំបន់អាស៊ានទាំង១០ប្រទេស ប្រហែលមានតែកម្ពុជាទេ ដែលបានដាក់ដំណើរការសេវាកម្មប្តូរ និងពន្យាបណ្ណបើកបរនៅផ្សារទំនើបអ៊ីអន។ ដែលមណ្ឌលប្ដូរ និងពន្យារប័ណ្ណបើកបរ នៅផ្សារទំនើបអ៊ីអន (AEON) នេះ បានធ្វើការចុះបញ្ជីយានយន្ដ និងការធ្វើប័ណ្ណបើកបរ តាមប្រព័ន្ធអនឡាញ (Online) ដើម្បីដោះស្រាយការលំបាករបស់ប្រជាពលរដ្ឋ មិនឱ្យរាំស្ទះការងារ ឬចំណាយពេលយូរដូចមុន។
ការដាក់ឱ្យដំណើការសេវាកម្មតាមអនឡាញ(Online)នេះ គឺតម្រូវឲ្យម្ចាស់យានយន្តបញ្ជូនព័ត៌មានផ្ទាល់ខ្លួន ជាពិសេសទិន្នន័យយានយន្តតាមរយៈប្រព័ន្ធ Smart Phone និងតាមរយៈ SMS What app ឬសារអេឡិចត្រូនិក (E-mail)។ ក្រោយមកម្ចាស់យានយន្តបានបញ្ជូនរួច ទិន្នន័យទាំងនោះមកកាន់ប្រព័ន្ធកុំព្យូទ័រនៅក្រសួងសាធារណការ និងដឹកជញ្ចូន ដោយមិនចាំបាច់អញ្ជើញមកដល់ទីតាំងនោះទេ ខណៈម្ចាស់យានយន្តត្រូវការចុះបញ្ជីយានយន្ត និងធ្វើប័ណ្ណបើកបរ។ សូមបញ្ជាក់ថា មណ្ឌលប្តូរ និងពន្យារបណ្ណបើកបរ នៅផ្សារទំនើប AEON នឹងដំណើរការចាប់តាំងពីថ្ងៃទី១៥ ខែមិថុនា ឆ្នាំ២០១៦ មក។
សូមបញ្ជាក់ថា ក្រោមការដឹកនាំរបស់ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន សម្រេចបានសមិទ្ធិផលការងាររួមមាន៖ ការដាក់ឲ្យដំណើរការមណ្ឌលប្តូរ និងពន្យារបណ្ណបើកបរ នៅផ្សារទំនើប AEON Mall ភ្នំពេញ ដោយចំណាយពេលប្រមាណ១៥នាទី ដើម្បីទទួលបានបណ្ណបើកបរ ការបិទផ្លាកសុវត្ថិភាព ស្ទីគ័រចំណាំងផ្លាតពន្លឺពេលយប់ ចំនួន៣.៤លានសន្លឹក យុទ្ធនាការចែកមួកសុវត្ថិភាព ការរៀបចំរចនាសម្ព័ន្ធអង្គការលេខរបស់ក្រសួងឡើងវិញដើម្បីបំពេញការងារឱ្យកាន់តែប្រសិទ្ធភាព ការដាក់ឱ្យដំណើរការចុះបញ្ជីយានយន្តតាមប្រព័ន្ធស្វ័យប្រវត្តិកម្ម ការផ្តល់ប័ណ្ណបើកយានយន្ត កម្មវិធីយល់ដឹងអំពីទ្រឹស្តីនៃការបើកលើទូរសព្ទ ឆៀកចល័ត និងផ្លាកលេខយានយន្ត ដែលមានQR Codeដើម្បីកាត់បន្ថយក្លែងបន្លំ។
