កាលពីថ្ងៃទី១៧ ខែកុម្ភៈ ឆ្នាំ២០១៨ កម្លាំងនគរបាលបានបញ្ជូនជនសង្ស័យ២នាក់ទៅសាលាដំបូងខេត្តបន្ទាយមានជ័យ ករណីជួញដូរគ្រឿងញៀនខេទឹកកកទម្ងន់១៧៧.៦៦ក្រាម យ៉ាម៉ាចំនួន១៥៤គ្រាប់។
តាមសមត្ថកិច្ចបានឲ្យដឹងថាជនសង្ស័យទាំង២នាក់រួមមានទី១- ឈ្មោះ សូត្រ ម៉ាប់ ភេទប្រុស អាយុ៣៦ឆ្នាំ (ឈ្មួញជួញគ្រឿងញៀន) ទី២-ឈ្មោះ រ៉ាន់ ម៉ៅ ភេទប្រុស អាយុ៤១ឆ្នាំ (អ្នកចែកចាយគ្រឿងញៀន) ជនទាំង២នាក់ស្នាក់នៅភូមិប៉ាលិលេយ្យពីរ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
បើតាមលោកវរសេនីយ៍ត្រី ង៉េង សុខជា នាយការិយាល័យនគបាលប្រឆាំងបទល្មើសគ្រឿងញៀនខេត្តបន្ទាយមានជ័យបានប្រាប់ថា នៅពេលឃាត់ខ្លួនជនសង្ស័យ២នាក់ កម្លាំងនគរ បាលប្រឆាំងបទល្មើសគ្រឿងញៀនខេត្តបានសហការជាមួយកម្លាំងនគរបាលអធិការដ្ឋានក្រុងប៉ោយប៉ែតបានធ្វើការស្រាវជ្រាវហើយកំណត់មុខសញ្ញាហើយមានការសម្របសម្រួលលោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្ត។
ហើយកម្លាំងនគបាលបានបង្ក្រាបឃាត់ខ្លួនជនសង្ស័យ២នាក់និងដកហូតវត្ថុតាងគ្រឿងញៀនមានប្រភេទតំហ្វេតាមីនខេទឹកកកចំនួន៧៩កូនថង់ ស្មើទម្ងន់១៧៧.៦៦ក្រាម យ៉ាម៉ាWYចំនួន១៥៤គ្រាប់ស្មើ១៣.៨៩ក្រាម ជញ្ជីងថ្លឹង១គ្រឿង និងឧបករប្រើប្រាស់ដែលឃាត់កាលពីថ្ងៃទី៤ដល់៥ ខែកុម្ភៈ ឆ្នាំ២០១៨ នៅចំណុចផ្ទះជួលភូមិប៉ាលិលេយ្យពីរ សង្កាត់ ក្រុងប៉ោយប៉ែត។
នគរបាលជាតិ៖ តាមការដកស្រង់សម្តីរបស់ លោកឧត្តមសេនីយ៍ទោ អាត់ ខែម ស្នងការនគរបាលខេត្តបានបញ្ជាក់ថា ដោយមានការណែនាំពីលោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀនដើម្បីលុបបំបាត់គ្រឿងញៀនអោយអស់ហើយដាក់វិធានការដល់កម្លាំងនគបាលជំនាញខេត្ត ស្រុក/ក្រុង ត្រូវតែបង្ក្រាបបទល្មើសគ្រឿងញៀនដើម្បីការពារសន្តិសុខភូមិ.ឃុំឱ្យមានសុវត្ថិភាព ហើយកម្លាំងនគរបាលប្រឆាំងបទល្មើសគ្រឿងញៀនសហការកម្លាំងនគរបាលក្រុងប៉ោយប៉ែតឃាត់ខ្លួនជនសង្ស័យ២នាក់និងវត្ថុតាងគ្រឿងញៀនត្រូវបានកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការតាមច្បាប់។
