នៅថ្ងៃទី៣ ខែកុម្ភៈ ឆ្នាំ២០១៨ កាលពីវេលាម៉ោង១ រសៀល មានការភ្ញាក់ផ្អែលមួយបានកើតឡើង ក្រោយពី អ្នកទោសជាច្រើននាក់ បានហែកគុករត់ចេញពីពន្ធនាគារមួយ ស្ថិតនៅភូមិបាចុង សង្កាត់ព្រះបាទ ក្រុងស្ទឹងត្រែង ខេត្តស្ទឹងត្រែង។ តាមប្រភពពីកន្លែងកើតហេតុបានឲ្យដឹងថា អ្នកទោសកំពុងងូតទឹក បន្តិចក្រោយមកស្រាប់តែមានការហែកគុករត់ចេញ គ្រាដែលមន្ត្រីអនុរក្សពន្ធនាគារមានការធ្វេសប្រហែសបន្តិច។ តែទោះជាយ៉ាងណា អ្នកទោសខ្លះត្រូវចាប់បានមកវិញ បន្ទាប់ពីពួកគេ ខ្លះរត់ឡើងលើផ្ទះប្រជាពលរដ្ឋ ខ្លះរត់តាមដងផ្លូវ។
សមត្ថកិច្ចបានផ្ទុះអាវុធ និងដេញចាប់ពេញភូមិ ឡោមព័ទ្ធផ្ទះមួយកន្លែង ចាប់បានអ្នកទោសចំនួន៣នាក់ បញ្ជូនមកកាន់ពន្ធនាគារវិញ។
នៅមិនទាន់ដឹងថាមានអ្នកទោសប៉ុន្មាននាក់ដែលរត់ចេញនោះទេ គ្រាន់តែដឹងថាមន្រ្តីអនុរក្សពន្ធនាគារចាប់បានតែ៣នាក់ត្រឡប់ប៉ុណ្ណោះ។
