បើតាមសម្តីលោក មាស រិទ្ធី អគ្គនាយករង និងជានាយកនិពន្ធផ្នែកព័ត៌មាន របស់ហង្សមាស បានបញ្ជាក់ប្រាប់ថា ហង្សមាសបានបដិសេធ ដោយមិនទទួលយក លោក ប៊ុត សីហា វិញនោះទេ ហើយចំពោះការមិនទទួលយករូបគេនេះ ក៏ព្រោះតែមានបញ្ហាជាច្រើនផ្សេងទៀត ក្រៅពីរឿងរ៉ាវពាក់ព័ន្ធនឹងការប្រើប្រាស់ថ្នាំញៀននេះ។
ដោយក្នុងនោះដែរ មានអ្នកទស្សនាបានសួរចោទជាសំណួរថា បើសិនជា លោក ប៊ុត សីហា កែខ្លួន តើហង្សមាសព្រមទទួល យកគេវិញទេ ?
ភ្លាមៗនោះ លោកឬទ្ធី បានថ្លែងថា មិនទេ! ដោយលោកបានពិភាក្សាជាមួយអគ្គនាយករួចរាល់ហើយ ក្រុមហ៊ុនមិនសម្រេចយក សីហា វិញនោះទេ បើទោះបីជាកែខ្លួនក៏ដោយ ។
ជាមួយគ្នានោះទៀតលោក ឬទ្ធី បានបង្ហាញពីរឿងអតីតតាំងពី លោក ប៊ុត សីហា មិនគោរពពេលវេលាក្នុងការងារ និងធ្លាប់ធ្វើឲ្យខូចការងារ រហូតដល់ក្រុមហ៊ុនត្រូវចេញលុយសងដៃគូជំនួញម្ដងហើយម្ដងទៀត ទើបក្រុមហ៊ុនត្រូវបង្ខំចិត្តផ្អឹប សីហា ទុកចោលសិន និងទុកឱកាសឲ្យកែខ្លួន៕
សូមទស្សនាខ្លឹមសារទាំងស្រុងខាងក្រោមនេះ ៖
