Wednesday, March 14, 2018

ទំនិញខូចគុណភាព នៅតែបន្តនាំចូលយ៉ាងរលូនពីថៃ តាមច្រកចាំយាម, មន្ត្រីកាំកុងត្រូល អង្គុយចាំយកតែលុយ

អាម៉ាប៉ាប៉ាញ៉ូស

​កោះកុងៈ ទំនិញ​សំបូរ​ទៅដោយ​សារធាតុ​គីមី និង​ខូចគុណភាព​ ដូចជា​ជង្គង់​មាន់ ស្លាបមាន់ គ្រឿងក្នុង​មាន់ និង​ប្រហិត ត្រូវបាន​ក្រុម​ឈ្មួញ​បន្ត​នាំចូល​យ៉ាង​រលូន ​ពី​ប្រទេស​ថៃ​មកកាន់​ទី​រួម​ខេត្តកោះកុង ​តាម​ច្រកទ្វារ​អន្តរជាតិ​ចាំ​យាម ខ​ណៈ​សមត្ថកិច្ច​ជំនាញ​កាំកុងត្រូល​ឈរជើង​នៅ​ទីនោះ​ បានត្រឹមតែ​អង្គុយចាំ​យកលុយ​ដាក់ចូល​ក្នុង​ហោប៉ៅ​។​

​យោងតាម​ប្រភពពី​សមត្ថកិច្ច​ដែល​ឈរជើង​នៅ​តំបន់​ខាងលើបាន​បង្ហើប​ថា ស្លាបមាន់ ជង្គង់​មាន់ គ្រឿងក្នុង​មាន់ និង​ប្រហិត​ ដែលជា​មុខទំនិញ​សំបូរ​ទៅដោយ​សារធាតុ​គីមី​ច្រើនជាងគេ មិនមែនជា​រឿង​ដែល​ថ្មី​នោះទេ ដោយ​កន្លងមក​ក្រុម​ឈ្មួញ​តែងតែ​នាំ​ទំនិញ​ខាងលើ​ចូល​តាម​ការ​បំបែក​រូបភាព​ដឹក​តាម​រទេះរុញ​តូចៗ​ ដើម្បី​ជាការ​បំភាន់​ភ្នែកអ្នកធ្វើដំណើរ​ចេញចូល​តាម​ចក្រ​ទ្វារ​មួយ​នេះ ហើយ​ទំនិញ​ដែល​ឈ្មួញ​នាំចូល គឺ​ក្នុង​១​ថ្ងៃៗ ​មិន​ក្រោម​ពី​១​តោន ​ទៅ​២​តោន​នោះទេ​។​

​ប្រភព​ដដែល​បាន​បន្តថា ចំពោះ​ការនាំ​ចូល​ទំនិញ​ទាំង​នោះបាន​ដោយ​រលូនយ៉ាងនេះ គឺ​ដោយសារ​ក្រុម​ឈ្មួញ​ជា​ម៉ូយ​ បានដាក់​ខែ​ជូន​សមត្ថកិច្ច​ជំនាញ​រាប់សិប​ឆ្នាំ​មកហើយ បើទោះបី​ជាមាន​មន្ត្រី​កាំកុងត្រូល​ចុះ​ពី​ក្រសួង​មក ​ក៏​មិន​ងាយ​ចាប់​ក្រុម​ឈ្មួញ​ទាំងនោះ​បានដែរ​។

ជាក់ស្តែង​កន្លងមករ​ថ​យន្ត​ពិនិត្យ​គុណភាព​ចល័ត​របស់​នាយកដ្ឋាន​កាំកុងត្រូល​ចុះមក​ម្តងៗ​ បានត្រឹមតែ​ធ្វើការ​ពិនិត្យ​ទៅលើ​ទំនិញ​បន្លែ​កំប៉ិកកំប៉ុក​តែប៉ុណ្ណោះ។ ចំពោះ​ទំនិញ​ស្លាបមាន់ ជង្គង់​មាន់ សាច់មាន់ គ្រឿងក្នុង​មាន់ និង​ប្រហិត​វិញ ​ដាក់លក់​នៅ​ពេញ​តូប​ក្នុង​ផ្សារ​ដងទង់ ​ហើយគេមិនដែល​បានឃើញ​មន្ត្រីទាំងនោះចុះមក​ពិនិត្យ​ឡើយ​។​

​ប្រភព​ច្បាស់ការ​មួយទៀត​ដែល​សុំ​មិន​បញ្ចេញ​ឈ្មោះ បាន​លួចខ្សឹប​ប្រាប់​បណ្តាញសារព័ត៌មាន​ថា ចំពោះ​មុខទំនិញ​សាច់មាន់ ស្លាបមាន់ ជង្គង់​មាន់ និង​ប្រហិត​ទាំងនេះ គឺ​ត្រូវបាន​លោក ជា នី ដែលជា​អនុប្រធាន​សាខា​កាំ​កុង និង​ជា​អតីត​ប្រធាន​ប៉ុស្តិ៍កាំកុងត្រូល​ច្រកទ្វា​រអន្តរជាតិ​ចាំ​យាម ​ជា​អ្នកកាង​នៅ​ពីក្រោយ ទើប​សមត្ថកិច្ច​ជំនាញ​មិន​ហ៊ាន​ប៉ះពាល់​បែបនេះ​។​

​ចំពោះ​ការចោទប្រកាន់​ខាងលើ​លោក ជា នី អនុប្រធាន​សាខា​កាំកុងត្រូល​ខេត្តកោះកុង និង​ជា​អតីត​ប្រធាន​ប៉ុស្តិ៍កាំកុងត្រូល​ច្រកទ្វា​ចាំ​យាម​បាន​ឆ្លើយ​បដិសេធ​តាម​ទូរស័ព្ទ​ថា រូបលោក​មិនបាន​កាង​ទំនិញ​ខាងលើ​ដូច​ការចោទប្រកាន់​រប​ស់​ប្រជាពលរដ្ឋ​នោះទេ គឺលោក​បាន​ប្តូរ​ចេញ​អស់​រយៈពេល​២​ឆ្នាំ​មកហើយ បើ​ចង់ដឹង​រឿងនេះ​ច្បាស់ ទៅ​សួរ​អ្នក​ដែល​នៅ​ច្រក​ទៅ។​

​ចំណែកឯ​លោក សំ ចិ​ត្រា ប្រធាន​ប៉ុស្តិ៍កាំ​កុង​ថ្មី​ច្រកទ្វា​រអន្តរជាតិ​ចាំ​យាម ចំពោះ​ការចោទប្រកាន់​ខាងលើ ភ្នាក់ងារ​យើង​នៅ​ពុំទាន់​អាច​សុំ​ការបំភ្លឺ​បាន​នៅឡើយ​នោះទេ​៕​

@Amapapa.News

Feature Ads