ភ្នំពេញៈ នាយឧត្តមសេនីយ៍ ឯម សំអាន រដ្ឋលេខាធិការក្រសួងមហាផ្ទៃ បានទទួលមរណភាពហើយ នៅទីក្រុងបាកកប្រទេសថៃ កាលពីវេលាម៉ោង៦និង៤៥នាទីព្រឹកថ្ងៃសៅរ៍ ៨កើត ខែចក្រ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី២៤ ខែមីនា ឆ្នាំ២០១៨ ដោយរោគគាពាធ។
ហើយនៅព្រឹកវេលាម៉ោងប្រមាណជា០៩ ថ្ងៃទី២៥ ខែមីនា ឆ្នាំ២០១៨ នេះ សពរបស់នាយឧត្តមសេនីយ៍ សន្ដិបណ្ឌិត ឯម សំអាន បានមកដល់ទីក្រុងភ្នំពេញហើយ ដោយបានដង្ហែសពទៅកាន់ភូមិគ្រឹះ នៅសង្កាត់បឹងត្របែក ខណ្ឌចំការមន ។
បើគ្មានការប្រែប្រួលអ្វីទេនោះ សពនាយឧត្តមសេនីយ៍ សន្ដិបណ្ឌិត ឯម សំអាន គ្រោងនឹងបូជានៅ ថ្ងៃទី២៩ ខែមីនា ឆ្នាំ២០១៨ នៅសួនច្បារមុខវត្តបុទុមវត្តី ៕
«មរណភាពរបស់នាយឧត្តមសេនីយ៍ សន្ដិបណ្ឌិត ឯម សំអាន ជាទីគោរពស្រឡាញ់ គឺជាការបាត់បង់ បិតា ជីតា ជីតាទូត ប្រកបដោយព្រហ្មវិហារធម៌ មានទឹកចិត្តសន្ដោសប្រណីដ៏ថ្លៃថ្លា និងជាឥស្សរិយជនដែលក្នុងជីវិតរបស់នាយឧត្តមសេនីយ៍ ឯម សំអាន បានពលិកម្មជាច្រើន បូជាសព្វបែបយ៉ាង ទាំងកម្លាំងកាយចិត្ត មិនគិតពីការនឿយហត់ លំបាកលំបិនជំនះ រាល់ឧបសគ្គនានា ក្នុងការបម្រើជាតិមាតុភូមិ និងដើម្បីក្រុមគ្រួសារ»។
