Sponsor
រិទ្ធី

លោក យ៉ែម បុញ្ញឬទ្ធិ តំណាងរាស្រ្តអតីគណបក្សសង្គ្រោះជាតិដែលកំពុងនិរន្ទេសខ្លួននៅបរទេស បានឆ្លើយតបទៅនឹងសម្តីរបស់ លោក សុខ ឥសាន អ្នកនាំពាក្យគណបក្សប្រជាជនកម្ពុជា ដែលប្រាប់ថាបើលោក កឹម សុខា ស្លាប់ក្នុងពន្ធាគាររដ្ឋាភិបាលទទួលខុសត្រូវយកសពទៅបញ្ចុះឬបូជា ថា៖ សម្ដីអ្នក​(សុខ ឥសាន) ចេញពីក្រុមគ្រួសារ​ រៀនពីសាលា​ ស្ដាប់ពីសាសនា​ ឮពីប្រព័ន្ធផ្សព្វផ្សាយ ខ្មែរ​យើងមានវប្បធម៌​ ប្រពៃណីទំនៀមទម្លាប់ល្អ​ខ្ពង់ខ្ពស់ថ្លៃថ្នូររុងរឿង​ តែពេលនេះសម្ដីអ្នកម្ដេចប្រែក្លាយទៅជាយ៉ាងនេះ?​

អតីតប្រធានគណៈកម្មាធិការរដ្ឋសភា បន្ថែមថា៖ សម្ដីអ្នក​ ក្នុងនាមជាយុវជន​បន្តវេន យើងនាំគ្នាប្រឹងប្រែងកសាងវប្បធម៌របស់យើងដែលកំពុងបាក់បែកខ្ទេចខ្ទាំនេះឡើងវិញពីពេលនេះតទៅ​។​ យើងប្រកួតប្រជែងក្នុងលក្ខណៈថ្លៃថ្នូរ​ គុណធម៌​ សីលធម៌​ រៀបចំសង្គមខ្មែរ ដើម្បីមាតុភូមិកម្ពុជាយើងគង់វង្ស​ កុំឱ្យមានការបែកបាក់ជាតិកាន់តែធ្ងន់ធ្ងរទៅៗ​ ដោយសារសម្ដីអ្នក។
ចុងបញ្ចប់ លោកបន្តថា៖ សម្ដីអ្នក​ នាពេលនេះ​មានគ្រប់រសជាតិ​ ទាំងការសើចចំអក ​ជេរប្រមាថ ​លាបពណ៌ មួលបង្កាច់​ ញុះញង់ បំបែកបំបាក់សង្គមជាតិ​ ដែលយុវជនបន្តវេន​មិនត្រូវយកតម្រាប់តាម គំរូគំរក់បែបនេះក្នុងការដឹកនាំនាវាកម្ពុជានាថ្ងៃខាងមុខ​ ដើម្បីឱ្យសមជាពលរដ្ឋខ្មែរអ្នកកសាងអង្គរ។

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post
Sponsor