header ads

Sponsor

អាម៉ាប៉ាប៉ាញ៉ូស

ព្រះសីហនុៈ រថយន្ត ​HIGHLANDER ១គ្រឿង បើកខ្វះប្រុងប្រយ័ត្ន រេចង្កូតបោលបុក​ផ្ទះ​ប្រជា​ពលរដ្ឋ​ បណ្ដាល​ឲ្យ​មនុស្ស​៣​នាក់ ​រង​របួសធ្ងន់​ កាលពីវេលា​ម៉ោង៩៖៤​០នាទីព្រឹក​ ថ្ងៃទី​១៦​ ខែ​មីនា​ ឆ្នាំ​២០១៨​ នៅផ្លូវ​ជាតិ​លេខ​៤​ ចន្លោះ​គីឡូម៉ែត្រ​ ១៥៧-១៥៨​ ភូមិ​មនោរម្យ​ ឃុំ​តានៃ​ ស្រុក​ព្រៃនប់​ ខេត្ត​ព្រះសីហនុ ។

សមត្ថកិច្ចមូលដ្ឋាន បានឲ្យដឹងថា រថយន្តបង្ក​ម៉ាក HIGHLANDER ពណ៌​ទឹកប្រាក់​ ពាក់ស្លាកលេខ ភ្នំពេញ​ 2AS-8553 មានទិសដៅពី​ភ្នំពេញ​មក​ខេត្ត​ព្រះសីហនុ បាន​រេចង្កូតទៅ​បុក​ផ្ទះ​ប្រជាពលរដ្ឋ​ ​បណ្ដាល​ឲ្យ​រងរបួស​អ្នកដំណើរលើ​រថយន្ត​ ចំនួន​៣នាក់​ ស្រី​២នាក់​ អ្នក​រង​របួស​ ត្រូវបានសមត្ថកិច្ច​នគរបាល​ស្រុក​ព្រៃនប់​ បញ្ជូន​ទៅ​សង្គ្រោះ​នៅ​គ្លីនិក​លិគឹមឌី​វាលរេញ​។ ចំណែកផ្ទះ​ប្រជាពលរដ្ឋ​ខូចខាត​កម្រិត​មធ្យម​ និង​មិន​បណ្ដាល​ឲ្យ​រងរបួស​ម្ចាស់​ផ្ទះ​នោះទេ ។ រីឯអ្នកបើកបរ​ បាន​គេច​ខ្លួន​ មិន​ទាន់​ស្គាល់​អត្តសញ្ញាណ ​។

សមត្ថកិច្ចបញ្ជាក់ថា អ្នករងរបួសទាំង៤នាក់ ទី១-ឈ្មោះ ឈន វុទ្ថា ភេទប្រុស អាយុ២៦ឆ្នាំ មុខរបរ កម្មករសំណង (របួសស្រាល) មានទីលំនៅភូមិកំហាល ឃុំព្រៃពាំ ស្រុកអង្គបូរី ខេត្តតាកែវ។ ទី២-ឈ្មោះ គួន សារ៉េត ភេទស្រី អាយុ២៥ឆ្នាំ មុខរបរ កម្មករសំណង់ (របួសធ្ងន់) មានទីលំនៅ ភូមិកំហាល ឃុំព្រៃពាំ ស្រុកអង្គបូរី ខេត្តតាកែវ។ ទី៣-មិនទាន់ស្គាល់អត្តសញ្ញាណ (របួសធ្ងន) ទី៤-ឈ្មោះ ទេព មុន្នីរត្ន័ ភេទស្រី អាយុ៣៣ឆ្នាំ មុខរបរ ជាងអ៊ុតសក់ (របួសស្រាល) មានទីលំនៅ ផ្សាដេប៉ូ២ ខណ្ឌទួលគោក រាជធានីភ្នំពេញ ។

បច្ចុប្បន្ន រថយន្តបង្កត្រូវបានប្រគល់ឲ្យប៉ូលិសចរាចរស្រុកព្រៃនប់ យកទៅរក្សាទុក ដើម្បីធ្វើការដោះស្រាយតាមនីតិវិធីច្បាប់៕

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post