កាលពីពេលថ្មីៗនេះ ប្រិយមិត្តនៅក្នុងបណ្តាញសង្គមដែលនិយមតាមដានព័ត៌មានអំពីរថយន្ត មានការភ្ញាក់ផ្អើលជាខ្លាំង បន្ទាប់ពីផេគមួយឈ្មោះ Car New Slyle បានបង្ហោះរូបថតនៃកំពូលឡានដ៏ថ្លៃមួយគ្រឿង អមជាមួយសារថា: “សូមស្វាគមន៏ Rolls Royce Phantom 2018 របស់ឧកញ្ញ៉ា ហុង ពីវ មួយគ្រឿងតំបូងគេនៅកម្ពុជាសម្រាប់ឆ្នាំ2018 តម្លៃជិត ឬក៏ក្បែរលានដុល្លារ“។
បើក្រឡេកមកមើលព័ត៌មានទាក់ទងនឹងរថយន្តប្រភេទ Rolls Royce Phantom ស៊េរីឆ្នាំ ២០១៨ ដែលជាឡាននៅកម្ពុជាដំបូងបង្អស់របស់ ឧកញ្ញ៉ា ហុង ពីវ គឺមាន បំពាក់ទៅដោយម៉ាស៊ីន ១២ V12 ប្រភេទ twin-turbocharged ចំណុះ ៦,៧៥លីត្រ ប្រើប្រាស់ប្រអប់លេខស័្វយប្រវិត្ត៨វគ្គ ចំនែកឯការតុបតែងខាងក្នុង និងខាងក្រៅ គឺបានប្រើប្រាស់ផលិតពីអាលុយមីញ៉ូមស្ទើរតែទាំងអស់។
ហើយដោយផ្អែកតាមវេបសាយបរទេសមួយ បានឲ្យដឹងផងដែរថា ចំពោះតម្លៃ រថយន្ត Rolls Royce Phantom ស៊េរីឆ្នាំ ២០១៨ នេះ មានតម្លៃប្រមាណ ៤៥០ ០០០ដុល្លារ(តម្លៃបរទេស) ។
