Sponsor
អាម៉ាប៉ាប៉ាញ៉ូស

ស្វាយរៀងៈ បុរសម្នាក់ ទៅបង់សំណាញ់ក្នុងទន្លេវ៉ៃគោ ស្រាប់តែជាប់អីធ្ងន់ៗ ស្មានថា ជាត្រីធំមានអីដល់ពេលលើកឡើងលើគោក គឺជាកាំភ្លើងAK មួយដើម ហើយ​ក៏រាយការណ៍ប្រាប់​សមត្ថកិច្ចឲ្យ​ចុះមកពិនិត្យមើល និងយកទៅរក្សាទុក។

ករណីភ្ញាក់ផ្អើលនេះ បានកើតឡើងកាលពី៦៖៣០នាទីល្ងាចថ្ងៃទី១៨ ខែមេសា ឆ្នាំ២០១៨ នៅក្នុងទន្លេវ៉ៃគោ ស្ថិតនៅភូមិ​ ក្បាលស្ពាន សង្កាត់ ពោធិ៍តាហោ ក្រុងស្វាយរៀង ខេត្តស្វាយរៀង។

សមត្ថកិច្ច បានឲ្យដឹងថា  ដោយមានប្រជាពលរដ្ឋម្នាក់ ឈ្មោះ ខាំ រិទ្ធី ភេទ​ប្រុស​ អាយុ៣៥ឆ្នាំ មុខរបរ កសិករ រស់នៅភូមិថ្នល់កែង សង្កាត់ពោធិ៍តាហោ ក្រុងស្វាយរៀង ខេត្តស្វាយរៀង បានដើរបង់សំណាញ់ក្នុងទន្លេវ៉ៃគោ ស្រាប់តែជាប់​អាវុធមួយដើម ម៉ាក AK 47ស្វាយបត់ គ្មានបង់ ដែលមានសភាព​ច្រេះចាប់ទៅហើយ មិនដឹងគេបោះចោលតាំងពីពេលណានោះទេ។

សមត្ថកិច្ចឲ្យដឹងទៀតថា ក្រោយពីប្របង់សំណាញ់បានអាវុធ បុរសខាងលើ​ក៏បានរាយការណ៍និងប្រគល់កាំភ្លើងឲ្យសមត្ថកិច្ចតែម្តងទៅ។ បច្ចុប្បន្នអាវុធខាងលើត្រូវបានប្រជាពលរដ្ឋប្រគល់ឲ្យ​កម្លាំងសណ្ដាប់ធ្នាប់ក្រុងស្វាយរៀងយកមករក្សាទុក៕

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post
Sponsor