Sponsor
អាម៉ាប៉ាប៉ាញ៉ូស

ព្រះសីហនុៈ នារីវ័យ១៦ឆ្នាំម្នាក់ បានធ្លាយខ្លួនស្លាប់យ៉ាងអាណោចអាធ័មបំផុតនៅកន្លែងកើតហេតុ ខណៈកំពុងជិះម៉ូតូ ស្រាប់តែមានរថយន្តមិនស្គាល់ម៉ាកមួយគ្រឿងបុកទាំងកំរោល។

គ្រោះថ្នាក់ចរាចរណ៍ដ៏រន្ធត់នេះ បានកើតឡើងកាលពីវេលាម៉ោង​ ១០៖១០នាទីព្រឹកថ្ងៃទី​១​ ខែមេសា​ ឆ្នាំ​២០១៨​ នៅចំណុចចន្លោះគីឡូម៉ែត្រលេខ​ ១៤២-១៤៣​ លើផ្លូវជាតិលេខ​ ៤​ក្នុង​ភូមិ​ចំការហ្ល​ង​ ឃុំចំការហ្លួង​ ស្រុក​កំពង់​សីលា​ ខេត្តព្រះសីហនុ។

អ្នកឃើញហេតុការណ៍ បានឲ្យដឹងថា មុនពេលកើតហេតុ ម៉ូតូម៉ាកវ៉េវ​ ​ពណ៌​ខ្មៅ​លាយ​ប្រផេះ​ ពាក់ស្លាកលេខ​កោះកុង​ 1A-0089  បើកបរដោយ​នារីឈ្មោះ​ ឌឿន​ ឡាវីហ្សា​ អាយុ​១៦ឆ្នាំ​ មានទីលំនៅ​ ភូមិ​ត្រពាំង ​ឃុំស្រែអំបិល​ ស្រុក​ស្រែ​អំបិល​ ខេត្តកោះកុង  ធ្វើដំណើរទិសដៅ​ពីខេត្តព្រះសីហនុ​ ទៅភ្នំពេញ​ លុះមកដល់ចំណុចកើតហេតុ ស្រាប់តែមានរថយន្តមិនស្គាល់ម៉ាកបើកបរស្របទិសគ្នា មកបុកពីក្រោយពេញទំហឹង បណ្ដាលឲ្យកិននារីរងគ្រោះធ្លាយខួរស្លាប់ភ្លាមៗតែម្ដង ចំណែករថយន្តបានបន្ថែមល្បឿនគេខបាត់ស្រមោល ។

ក្រោយកើតហេតុសង្កេតឃើញកម្លាំង​កងរាជអាវុធហត្ថស្នាក់ការសន្តិសុខ​ ៤០២ សហការជាមួយកម្លាំង​របស់អធិការដ្ឋាននគរបាលស្រុកកំពង់សីលា ចុះមកដល់ទំនាក់ទៅក្រុមគ្រួសារសពឲ្យ​មក​ទទួលយកទៅធ្វើបុណ្យតាមប្រពៃណី​។ ដោយឡែករថយន្ត​កំពុងស្រាវជ្រាវ​ តាមចាប់ផងដែរ៕

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post
Sponsor