header ads

Sponsor

រិទ្ធី

មានករណីហួសចិត្តមួយ កាលពីព្រឹកថ្ងៃទី​០៣​ ខែមេសា​ ឆ្នាំ​២០១៨​ ស្ត្រីជាកម្មករនៅរោងចក្រផលិតទឹកកក​ ស្ថិតនៅភូមិសំបួរ​ សង្កាត់ដង្កោ​ ខណ្ឌដង្កោ​ រាជធានីភ្នំពេញ ត្រូវបានមេកាវ៉ៃបែកក្បាល​។ ភ្លាមនោះ ស្ត្រីរងគ្រោះសុំការអន្តរា​គមន៍ពីសំណាក់នគរបាលប៉ុស្តិ៍ខណ្ឌដង្កោ​ ប៉ុន្តែស្ត្រីម្នាក់នោះអង្គុយសម្រក់ទឹកភ្នែក​ ទាំងឈាមហូរស្រោចខ្លួន នៅមុខប៉ុស្តិ៍​ ​តែត្រូវបាននគរ​បាលប៉ុស្តិ៍បដិសេធ​ពន្យាពេលទទួលពាក្យបណ្តឹង​ ជនរងគ្រោះ​ ដោយប្រើសម្តីទៅកាន់ ស្ត្រីរងគ្រោះថា អង្គុយចាំសិនទៅព្រោះ នគរបាលកំពុងរវល់ការពារ ក្បួនសម្តេច​ ស​ ខេង​ អស់ហើយ។

ចំពោះពាក្យសម្តី របស់នគរបាលប៉ុស្តិ៍ខណ្ឌដង្កោ​នាពេលនោះ ធ្វើឱ្យស្ត្រីរងគ្រោះបាក់ទឹកចិត្តយ៉ាងខ្លាំង​ ដោយសារគាត់គិតថា​ គេវៃគាត់បែកក្បាល​ គាត់ខំត្រដរត់មករកសមត្ថកិច្ចជួយ​ អន្តរាគមន៍ចាប់ជនបង្ក​ តែបែរជាគ្មានអ្នកជួយទៅវិញ​។ ​ស្ត្រីរងគ្រោះនោះមានឈ្មោះ​ ទើប​ រ៉ន​ អាយុ៣៧​ ឆ្នាំ​ ស្នាក់នៅក្នុងរោងចក្រទឹកកកតែម្តង​ ចំណែកអ្នកវៃគាត់ឈ្មោះ​សៅ​ ជាមេកា​រក្នុងរោងចក្រទឹកកក​។ ស្ត្រីរងគ្រោះដែលត្រូវបានជនបង្កវៃបែកក្បាល​ ទទូចស្នើដល់នគរបាលខណ្ឌដង្កោជួយអន្តរាគមន៍ ចាប់ជនបង្កយកមកផ្តល់ទោសតាមផ្លូវច្បាប់។

​ពលរដ្ឋដាក់ការសង្ស័យគិតថា​ ស្ត្រីរងគ្រោះ​នោះក្រីក្រគ្មានប្រាក់​ ទើបមិនអើពើនឹងគាត់។ នគរបាលប៉ុស្តិ៍រដ្ឋបាលខណ្ឌ ដង្កោហាក់បីដូចមិនយកចិត្តទុកដាក់​ ក្នុងការជួយពលរដ្ឋរងគ្រោះទេ​ ដោយធ្វើព្រងើយកន្តើយ​។

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post