Tuesday, April 3, 2018

Update ៖ ឆេងម៉េងថ្ងៃទី៣ ប្រពន្ធត្រូវភ្លើងឆេះស្លាប់ក្នុងផ្ទះ ខណៈប្ដីនិងក្រុមគ្រួសារទៅ​ស្រុកសែនផ្នូរអស់

អាម៉ាប៉ាប៉ាញ៉ូស

ព្រៃវែងៈ មានអគ្គិភ័យមួយ បានឆាបឆេះផ្ទះជួសជួលម៉ូតូមួយខ្នងយ៉ាងសន្ធោរសន្ធៅ​ ខណៈដែលមានការអះអាងថា ផ្ទះជាប់សោ ហើយមានមនុស្សជាប់នៅខាងក្នុង បង្កការភ្ញាក់ផ្អើលទាំងថ្ងៃត្រង់ ។

ករណីអគ្គិភ័យនេះឆាបឆេះឡើងវេលាម៉ោងប្រមាណជិត១១ថ្ងៃត្រង់ ​ថ្ងៃទី៣ ខែមេសា ឆ្នាំ២០១៨ នៅ​ចំណុច​ភូមិ​លេខ៤ សង្កាត់​កំពង់លាវ ក្រុង​ព្រៃវែង ខេត្តព្រៃវែង ។

សមត្ថកិច្ចបានឲ្យដឹងថា ម្ចាស់​ផ្ទះមានឈ្មោះ អន គ្រី​ម ភេទ​ប្រុស អាយុ៤៨ឆ្នាំ មុខរបរជាង​ជួស​ជុស​រថយន្ត មាន​ទីលំនៅ​ផ្ទះកើតហេតុខាងលើ ចំណែក​ស្ត្រី​រងគ្រោះជា​ប្រពន្ធ ឈ្មោះ ញឹម ទៀង អាយុ៤៧ឆ្នាំ (ស្លាប់) និង​សម្ភារៈ​នៅក្នុង​ផ្ទះ​ស្ទើទាំងស្រុង ។

ប្រភពព័ត៌មានពីប្រជាពលរដ្ឋ បានប្រាប់ឲ្យដឹងថា​ នៅមុនពេល​កើតហេតុ ប្ដី​និង​កូនប្រុស២នាក់ នាំគ្នា​ទៅ​សែន​ថ្នូរ​ជីដូន​ជីតា ក្នុងថ្ងៃឆេងម៉េង ថ្ងៃទី៣ ចំណែក​ប្រពន្ធ​មិនបាន​ទៅជា​មួយ ដោយ​នៅចាំ​ផ្ទះ លុះដល់ម៉ោងកើត ខណៈដែលផ្ទះចាក់សោជាប់២ជាន់ ស្រាប់តែឃើញមានអគ្គិភ័យឆាបឆេះឡើងយ៉ាងសន្ធោរសន្ធៅបែបនេះ​ ដោយមិនទាន់ដឹងថា មូលហេតុ​អ្វីនោះទេ ។

កម្លាំង​នគរបាល​ក្រុងព្រៃវែង និង​កម្លាំង​ស្នងការនគរបាលខេត្តព្រៃវែង បាន​សហការ​គ្នាធ្វើការអន្តរាគមន៍បាញ់ពន្លត់ តែដោយសារ​ភ្លើងកំពុងឆេះខ្លាំងផង ខណៈដែលក្នុង​ផ្ទះ​ជាប់​សោ២ជាន់ឯណោះ ដោយសោរទី១ ជាប់សោ​រកន្លែង​ជួសជុល​រថយន្ត និង​សោ​រទី២ ជា​កន្លែង​ចូល​បន្ទប់ដេក ។

ក្រោយកើតហេតុសមត្ថកិច្ចបានកំពុងទាក់ទងទៅក្រុមគ្រួសារ និងជំនាញធ្វើការស្រាវជ្រាវរកមូលហេតុ៕

@Amapapa.News

Feature Ads