Loading...

Tuesday, April 3, 2018

លោក វិល្លាម ព្រលះព្រះរាជអាជ្ញាដែលចោទលោកខុសនីតិវិធីច្បាប់

រិទ្ធី

កាលពីម្សិលមិញ សារព័ត៌មានដែលស្និទ្ធនឹងរដ្ឋាភិបាលបាន បានសរសេរអត្ថបទមួយមានចំណងជើងថា៖ ព្រះរាជអាជ្ញា​ សម្រេចដាក់ឲ្យឃុំខ្លួន លោក​ សុខសុវណ្ណ​ វឌ្ឍនា​សាប៊ុង ហៅ​  វិល្លាម (William Guang) តាមបណ្តឹង កញ្ញា​ ធី​ សុវណ្ណថា។ ជាមួយគ្នានោះ កញ្ញា ធី សុវណ្ណថា ដែលថាជាដើមបណ្តឹងមានស៊ែរ អត្ថបទនេះដោយអបដោយសំណេរថា៖ ខ្ញុំផ្តល់ឱកាសជូនលោក​ (វិល្លាម) តែលោកមិនទទួល លោកប្រកាសខ្លួន​ជាអ្នកក្លាហា​ន មិនខ្លាចគុក​...
ពេលនេះ​ លោក​បានជាប់គុក​តាមបំណងហើយ។

ភ្លាមៗក្រោយពីលេចព័ត៌មាននេះ នៅយប់ថ្ងៃទី០២​ ខែមេសា ឆ្នាំ២០១៨ លោក វិល្លាម បានបង្ហោះសារមួយដែលទាក់ទងទៅនឹងដីកាកោះហៅរូបលោកមួយសន្លឹក។ នៅលើសាររបស់លោកគឺបានបាញ់សំដៅទៅរកលោកព្រះរាជអាជ្ញាដែលបានចោទប្រកាន់រូបលោកវិល្លាម។ នៅក្នុងសារសេចក្តីរបស់លោក វិល្លាមដែលបានសរសេរលើគណនីហ្វេសប៊ុកគាត់ថា៖ នេះឬលោកព្រះរាជអាជ្ញាដែលសម្រេចចោទប្រកាន់ខ្ញុំ?​ 

ចំនុចទី១ ៖ គ្រាន់តែស៊ីញ៉េដីកាកោះហៅ កោះមនុស្សថ្ងៃ០៦ ខែកុម្ភៈ តែស៊ីញ៉េថ្ងៃ ២១ ខែកុម្ភៈ? គ្រាន់តែស៊ីញ៉េមិនត្រូវផង តើចោទមនុស្សប៉ុន្មាននាក់ដែលរងគ្រោះ?

ចំនុចទី២ ៖ សួរថានីតិវិធីច្បាប់វាមានទេករណី១ខែកោះហៅមនុស្ស៣ដង ទាំងខ្ញុំមិនបានចុះហត្ថលេខាទទួលនោះ ? ចំនុចទី៣ ៖ ដែលករណីពាក្យបណ្ដឹងលើសំណុំរឿងនេះគឺមានបណ្ដឹងតបតាមនីតិវិធីបើចោទគឺចោទទាំងពី បើលើកលែងចោទគឺលើកលែងទាំងពី មិនមែនចោទម្ខាងនោះទេ។ សូមក្រសួងយុត្តិធម៌ នឹងឧត្តមក្រុមប្រឹក្សានៃអង្គចៅក្រមមេត្តាពិចារណាចំនុច៣នេះ កុំអោយព្រះរាជអាជ្ញារូបនេះបំផ្លាញនីតិវិធីច្បាប់នៅកម្ពុជា។

សូមបញ្ជាក់ថា លោក វិល្លាម និងកញ្ញា ធី សុវណ្ណថា បានធ្លាប់ប្តឹងគ្នាទៅវិញទៅមក តែតុលាការមិនទាន់ធ្វើការកាត់ក្តីនោះឡើយ ប៉ុន្តែកាលពីថ្មីៗនេះ សាលាដំបូងកោះហៅកញ្ញា ធី សុវណ្ណថា​ ចូលសវនាការតាមបណ្តឹងលោក វិល្លាម តែត្រូវមេធាវីកញ្ញា ធី សុវណ្ណថា សុំប្តូរថ្ងៃចូលសវនាការ ក្រោមហេតុផលជាប់រវល់។

@Amapapa.News

Feature Ads