√ មិនធម្មតា! មកមើលទិដ្ឋភាពទាំងស្រុងក្នុងថ្ងៃមង្គលការរបស់តារាចម្រៀង អែនជី ទាំងធំ ទាំងស្អាត គួរឲ្យច្រណែន

អាម៉ាប៉ាប៉ាញ៉ូស

អែនជី គឺជាតារាចម្រៀងស្រីមួយរូប ដែលធ្លាប់ទទួលបានប្រជាប្រិយភាពខ្ពស់គួរសមក្នុងផលិតកម្មសាន់ដេ រីឯសម្រស់វិញគឺ កញ្ញាមានរូបចោមល្អស្រស់ស្អាតគួរឲ្យស្រលាញ់ណាស់ ប៉ុន្តែក្នុងរយៈពេលប៉ុន្មានឆ្នាំចុងក្រោយនេះ គឺ អែនជី ហាក់មានភាពស្ងប់ស្ងាត់ក្នុងវិថីសិល្បៈ និងមិនដែលឃើញវត្ថមានកញ្ញា ក្នុងកម្មវិធីទូរទស្សន៍ និងតន្ត្រីឡើយ។

ប៉ុន្តែនៅថ្ងៃនេះ ស្រាប់តែ អតីតតារាចម្រៀងដ៏សែនស្អាត គឺ កញ្ញា អែនជី បានបញ្ចប់ជីវិតនៅលីវហើយ ដោយបានចូលរោងការជាមួយនិងកូនកម្លោះដ៏សង្ហា ឈ្មោះ លោក គង់ សុខអេង ហើយក៏មានហ្វេនៗ និងមហាជនជាច្រើន ចូលរួមអបអរ និងសរសើរថា ពិធីមង្គលការរបស់ អ្នកនាង អែនជី ពិតជារៀបចំបានស្អាតណាស់ ចំណែកកូនក្រមុំ និងកូនកម្លោះ វិញ មានការតុបតែងខ្លួនបានយ៉ាងល្អ ឃើញហើយមិនសរសើរមិនបាន។