
ឧបទ្វីបកូរ៉េៈ មេដឹកនាំកូរ៉េខាងជើង និងកូរ៉េខាងត្បូង បានព្រមព្រៀងធ្វើការជាមួយគ្នាដើម្បីលុបបំបាត់ចោលអាវុធនុយក្លេអ៊ែរ ក្រោយមានជំនួបជាប្រវត្តិសាស្រ្តរួចមក។
សេចក្តីប្រកាសនេះ បានធ្វើឡើង ដោយលោក គីម ជុងអ៊ុន មេដឹកនាំកូរ៉េខាងជើង និងលោក មូន ជេអ៊ីន ប្រធានាធិបតីកូរ៉េខាងត្បូង ក្រោយជំនួបនៅតំបន់ព្រំដែន។
មេដឹកនាំប្រទេសទាំង២ បានព្រមព្រងផងដែរ ដើម្បីផ្លាស់ប្តូរយុទ្ធសន្តិភាព (បទឈប់បាញ់) ដែលបានបញ្ចប់សង្រ្គាមបងប្អូនកូរ៉េកាលឆ្នាំ១៩៥៣ ទៅជាសន្ធិសញ្ញាសន្តិភាពក្នុងឆ្នាំនេះ។
ការប្រកាសរួមគ្នាបែបនេះ បានកើតឡើង ក្រោយសង្រ្គាមពាក្យសម្តីរបស់កូរ៉េខាងជើង។
ទោះបីជាយ៉ាងណាក៏ដោយ រឿងរ៉ាវលម្អិតពីការរំសាយអាវុធនុយក្លេអ៊ែរ ថានឹងសម្រេចបាននោះ មិនត្រូវបានគេបញ្ជាក់ឲ្យបានច្បាស់លាស់នោះទេ ហើយក្រុមអ្នកវិភាគមួយចំនួននៅតែមានមន្ទិលសង្ស័យចំពោះការបើកចិត្តឲ្យទូលាយរបស់កូរ៉េខាងជើង ក្នុងការចូលរួមការងារមួយនេះ។
បន្ទាប់ពីកិច្ចពិភាក្សានៅជំនួបកំពូលនាថ្ងៃសុក្រនេះ លោក គីម បាននិយាយថា មេដឹកនាំទាំង២ បានព្រមព្រៀងសម្របសម្រួលឲ្យបានជិតស្និតដើម្បីធានាថា នឹងលែងមាន “ប្រវតិ្តសាស្រ្តអកុសល” នៅក្នុងតំបន់ទៀតហើយ។
លោកបន្តថា អាចនឹងមានប្រតិកម្ម, ការលំបាក និងការខកចិត្ត។ ជ័យជំនះមិនអាចសម្រេចបានដោយការឈឺចាប់នោះទេ ហើយខាងក្រោមនេះ គឺជាចំណុចមួយចំនួនដែលមេដឹកនាំទាំង២ បានព្រមព្រៀងគ្នានៅក្នុងសេចក្តីថ្លែងការណ៍រួមគ្នា៖
-ការផ្លាស់ប្តូរតំបន់គ្មានកងទ័ព (DMZ) ដែលបែងចែកប្រទេសទាំង២ ទៅជា “តំបន់សន្តិភាព” តាមរយៈការបញ្ឈប់ការផ្សាយឃោសនៈស័ព្ទ
-ការកាត់បន្ថយអាវុធនៅក្នុងតំបន់ដើម្បីបញ្ឈប់ភាពតានតឹងផ្នែកយោធា
-ជំរុញឲ្យមានកិច្ចពិភាក្សា ៣ផ្លូវ ពាក់ព័ន្ធនឹងអាមេរិក និងចិន
-រៀបចំការជួបជុំសាច់ញាតិដែលបានបែងចែកគ្នាដោយសារសង្រ្គាម
-តភ្ជាប់ និងធ្វើទំនើមកម្មផ្លូវដែក និងផ្លូវថ្នល់ឆ្លងកាត់ប្រទេសទាំង២
-ការចួលរួមចម្រុះច្រើនជាងមុននៅក្នុងព្រឹត្តការណ៍កីឡា ដែលរួមទាំងព្រឹត្តការណ៍ Asian Games ផងដែរ៕




