header ads

Sponsor

អាម៉ាប៉ាប៉ាញ៉ូស

ភ្នំពេញៈ តារាសម្ដែងស្រីល្បីឈ្មោះ២ដួង គឺកញ្ញា ទឹម រដ្ឋា និង កែវ ស្រីនាង បានលេចមុខក្នុងMV ជា Trailer បទចម្រៀងរបស់លោក អែន ឌី  គឺបទ “ទីបំផុតទើបដឹងថាគេកុហក”។

តារាសម្តែងស្រី២ដួងសុទ្ធតែមានទេពកោសល្យ និងល្បីល្បាញក្នុងសង្គមសិល្បៈ ទឹម រដ្ឋា និងកែវ ស្រីនាង បានពួយយ៉ាងចាស់ដៃក្នុងឈុតឆាកសម្តែងបទចម្រៀង១បទ ដែលតម្រូវឲ្យ​លេងបញ្ចូលអារម្មណ៍ស្នេហាស្រីស្រឡាញ់ស្រីកប់តែម្តង។ ក្រោយទស្សនាវីដេអូយូធូបរួចមកទើប​ដឹងថា ទឹម រដ្ឋា និង កែវ ស្រីនាង កាត់ចិត្តមិនធម្មតាឡើយ ដើម្បីបំពេញអត្ថន័យតាមបទចម្រៀងមួយនេះ។

បទចម្រៀង "ទីបំផុតទើបដឹងថាគេកុហក់" ជាការរួមគ្នាសម្តែងដោយតារាល្បីឈ្មោះបីដួង ក្នុងនោះតារាសាច់សរលោង អែន ឌី ក៏បានចូលរួមសម្តែង ហើយក៏ជាម្ចាស់បទនេះផងដែរ។ ម្នាក់ៗប្រឹងសម្តែងតាមស្ទីលរៀងខ្លួន ជាពិសេសតារាស្រីល្បីឈ្មោះ២ដួង ក្នុងតួអង្គសម្តែងលេងសុទ្ធតែស្ទីលស្នេហាកាចៗថតកៀកកើយស្រឡាញ់ស្រីដូចគ្នា ក្នុងពេលធម្មជាតិពិត ម្នាក់ៗមានម្ចាស់បេះដូងនៅខាងក្រៅដូចគ្នា។ លើសពីនេះទៅទៀត មានឈុតឆាកសិចស៊ីជាច្រើនទៀត ដែលបង្ហាញពីដងខ្លួនសាច់ដ៏ស្រស់សោភា។

ចម្រៀងនេះសាច់រឿងមាននារីម្នាក់ជាសង្សារ អែន ឌី ស្រឡាញ់គ្នាតែស្ត្រីជាសង្សារនោះ បែរជាមានស្នេហាស្រីស្រឡាញ់ស្រី មុនស្គាល់ អែន ឌី នឹងនៅតែស្នេហាលួចលាក់គ្នារហូត អែន ឌី តាមទាន់នឹកហួសចិត្តបន្សល់តែការសោកស្តាយ ព្រោះអ្វីៗជាការកុហកបោកប្រាស់ចិត្តតែប៉ុណ្ណោះ។

ចម្រៀង​ថ្មី​ប្រភេទ Original Song របស់ អេនឌី បាន​លាត​ត្រដាង​ស្នេហា​ស្រី​ស្រឡាញ់​ស្រី គឺ​ស្នេហា​រវាង ទឹម រដ្ឋា និង​កែវ ស្រីនាង។ បទ​នេះ​មាន​ចំណង​ជើង​ថា "ទី​បំផុត​ទើប​ដឹង​ថា​គេ​កុហក" ដែល​បាន​ចេញ​ជា Audio តាំង​ពី​ខែ​មុន។ ឥឡូវ​បទ​នេះ ត្រៀម​នឹង​ចេញ​ជា​វីដេអូ​ចម្រៀង​ពេញ​លេញ​ឆាប់​ៗ​នេះ ហើយ។

Original Song មួយ​នេះ បាន​ចេញ​វីដេអូ Trailer ហើយ។ តាម​រយៈ​វីដេអូ​ឃ្លិប​រយៈ​ពេល​ជាង ២​នាទី​នេះ ឃើញ​ថា រដ្ឋា និង​ស្រី​នាង ពិត​ជា​ប្រលោម​ស្នេហ៍​ជាមួយ​គ្នា​សាហាវ នៅ​ពី​ក្រោយ​វាំងនន​ស្នេហ៍​ជាមួយ​តួឯក​ប្រុស។ ស្នេហា​បែប​នេះ ពិត​ជា​ឈឺ​ចាប់​ណាស់​មែន​ទេ?៕

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post