ខេត្តកណ្ដាល៖ ករណីឃាតកម្មដ៍សាហាវ កាប់សំលាប់មនុស្សស្រីម្នាក់បណ្ដាលឲ្យស្លាប់ហ្នឹងកន្លែង ស្ថិតនៅខាងលិចស្ពានអ្នកលឿង សាលាឃុំចម្លង ស្រុកលើកដែក ខេត្តកណ្ដាល នាវេលាម៉ោង ០២ និង៣០នាទី រសៀលថ្ងៃទី ១៩ ខែ មេសា ឆ្នាំ២០១៨។
ជនរងគ្រោះឈ្មោះ ទន់ ស្រីណយ អាយុ២០ឆ្នាំ ចំណែកជនសង្ស័យឈ្មោះ រ៉ា ឆៃរ៉ាត់ អាយុ២១ឆ្នាំ ក្រោយពេលធ្វើសកម្មភាពកាប់ជនរងគ្រោះរួចជនសង្សយ័បានជិះម៉ូតូឡើងស្ពានតឺបាស្សា (ស្ពានអ្នកលឿង) លុះបើកម៉ូតូដល់កណ្តាលស្ពានក៏ចតម៉ូតូហើយលោតចុះចូលទន្លេ រហូតដល់ពេលនេះជនសង្សយ័មិនទាន់ឃើញឡើងគោកនៅឡើយ ដោយឡែកសមត្ថកិច្ចនគរបាលស្រុកកំពុងធ្វើការព័ទ្ធជុំវិញតំបន់នោះដើម្បីចាប់ជនល្មើសមកផ្តន្ទាទោសតាមផ្លូវច្បាប់។
