header ads

Sponsor

អាម៉ាប៉ាប៉ាញ៉ូស

ភ្នំពេញៈ នៅព្រឹកថ្ងៃទី១៩ ខែមេសា ឆ្នាំ២០១៨ បណ្តឹងសុំនៅក្រៅឃុំលើកទី២ របស់អតីតអ្នកកាសែតអាស៊ីសេរី២រូប ត្រូវចៅក្រមសភាស៊ើបសួរសាលាឧទ្ទរណ៍ សម្រេចបន្តរក្សាសេចក្តីសម្រេចរបស់ចៅក្រមស៊ើបសួរសាលាដំបូងរាជធានីភ្នំពេញទុកជាបានការដដែល ពោលគឺបន្តឃុំខ្លួនអតីតអ្នកកាសែតអាស៊ីសេរី២រូបនេះ ជាបណ្តោះអាសន្ន រហូតដល់មានការកសត់ទោស ។

លោក កែវ វន្នី មេធាវី​ការពារ​ក្ដី​ឲ្យ​អតីត​អ្នក​កាសែត​វិទ្យុ​អាស៊ី​សេរី បានប្រាប់អ្នកសារព័ត៌មានថា លោកនឹងដាក់ពាក្យ​ប្ដឹងសារទុក្ខ​ទៅ​កាន់​តុលាការ​កំពូល​បន្ត​ទៀត ​។

ជនត្រូវចោទទាំង២ខាងលើ ទី១.ឈ្មោះ អ៊ួន ឈិន និង ទី២.ឈ្មោះ យាង ​សុជា​មេត្តា អ្នកទាំងពីរសុទ្ធសឹងតែជាអតីតអ្នកយកព័ត៌មានវិទ្យុអាស៊ីសេរី ត្រូវសមត្ថកិច្ចឃាត់ សាកសួរ និងធ្វើកំណត់ហេតុ ពាក់ព័ន្ធនឹងការសង្ស័យបើកស្នាក់ការ និងបន្ទប់ស្ទូតយោផ្សាយចេញពីកម្ពុជាដោយខុសច្បាប់ នៅក្នុងបន្ទប់ផ្ទះសំណាក់ម៉ារ៉ាឌី ស្ថិតនៅជិតគល់ស្ពានស្ទឹងមានជ័យ សង្កាត់ស្ទឹងមានជ័យ កាលពីយប់​ថ្ងៃទី១៤​ ខែ​វិច្ឆិកា​ ឆ្នាំ​២០១៧ កន្លងទៅ ។

ជនត្រូវចោទទាំង២នាក់ខាងលើ ត្រូវបានតំណាងអយ្យការអមសាលាដំបូងរាជធានីភ្នំពេញ ធ្វើការចោទប្រកាន់ដោយបើកការស៊ើបសួរ ពីបទប្រគល់ឲ្យរដ្ឋបរទេសនូវព័ត៌មានជាអាទិដែលបង្កឲ្យមានការអន្តរាយដល់ការការពារជាតិ តាមបញ្ញត្តិមាត្រា៤៤៥ នៃក្រមព្រហ្មទណ្ឌ នៃ​ព្រះរាជាណាចក្រកម្ពុជា ។

នាពេលកន្លងទៅ មេធាវីរបស់ជនត្រូវចោទទាំងពីរ ធ្លាប់បានដាក់ពា្យសុំឲ្យកូនក្តីនៅឃុំបណ្តោះអាសន្នម្តងរួចមកហើយ ប៉ុន្តែត្រូវបានតុលាការជាន់ទាប និងជាន់ខ្ពស់បដិសេធម្ដងរួចមកហើយ៕

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post