តាកែវៈ ជនសង្ស័យប្រុសស្រី ៥នាក់ ត្រូវបានកម្លាំងអធិការដ្ឋានគរបាលស្រុកបាទី ឃាត់ខ្លួនបាន កាលពីវេលាម៉ោង២៖៣០នាទីរសៀលថ្ងៃព្រហស្បតិ៍ ១២កើត ខែពិសាខ ឆ្នាំច សំរិទ្ធិស័ក ព.ស ២៥៦១ ត្រូវថ្ងៃទី២៦ ខែមេសា ឆ្នាំ២០១៨ នៅក្នុងផ្ទះសំណាក់ “ព្រៃលាភ” ភូមិពូនភ្នំ ឃុំត្រពាំងសាប ស្រុកបាទី ខេត្តតាកែវ។
អធិការស្រុកបាទីលោក ង៉ាន់ សារី បានប្រាប់ឲ្យដឹងថា ជនសង្ស័យ ទី១.ឈ្មោះ ខន រដ្ឋា ភេទប្រុស អាយុ២៩ឆ្នាំ រស់នៅភូមិ តាស៊ូ ឃុំត្រពាំងសាប ស្រុកបាទី ខេត្តតាកែវ។ ២.ឈ្មោះ វ៉ាន់ បញ្ញា ភេទប្រុស អាយុ១៩ឆ្នាំ រស់នៅភូមិ ពូនភ្នំ ឃុំត្រពាំងសាប ស្រុកបាទី ខេត្តតាកែវ។ ៣.ឈ្មោះ ពេជ ម៉ីម៉ី ភេទស្រី អាយុ១៦ឆ្នាំ រស់នៅភូមិចក ឃុំត្រពាំងសាប ស្រុកបាទី ខេត្តតាកែវ ។ ៤.ឈ្មោះ សួរ សុខជា ភេទប្រុស អាយុ២០ឆ្នាំ រស់នៅភូមិ ពូនភ្នំ ឃុំត្រពាំងសាប ស្រុកបាទី ខេត្តតាកែវ។ ទី៥.ឈ្មោះ ស៊ឹម សុជាតា ភេទប្រុស អាយុ២០ឆ្នាំ រស់នៅភូមិ ស្មៅខ្ញី ឃុំត្រពាំងសាប ស្រុកបាទី ខេត្តតាកែវ។
ក្រោយឃាត់ខ្លួនកម្លាំងជំនាញដកហូតបានថ្នាំញៀនចំនួន៦កញ្ចប់ (តូច៥កញ្ចប់ និងធំ១កញ្ចប់) ម៉ូតូចំនួន៣គ្រឿង ទូរស័ព្ទដៃ៦គ្រឿង និងសម្ភារៈសម្រាប់ប្រើប្រាស់គ្រឿងញៀនមួយចំនួនទៀត។
បច្ចុប្បន្នជនសង្ស័យ និងវត្ថុតាង កម្លាំងជំនាញកំពុងធ្វើការសាកសួរ ដើម្បីកសាងសំណុំរឿងបញ្ជូនទៅសាលាដំបូងខេត្ត ចាត់ការតាមនីតិវិធី៕
