
កែបៈ ស្ថានីយវិទ្យុជាតិឆ្នេរកែប FM 99.MHz ខេត្តកែប ជាអំណោយរបស់វិទ្យុសំឡេងវៀតណាម VOV ត្រូវបានសម្ពោធដាក់ឲ្យដំណើរការផ្សាយជាផ្លូវការហើយ។

ពិធីសម្ពោធនេះ បានប្រព្រឹត្តនៅព្រឹកថ្ងៃសុក្រ ១៣កើត ខែពិសាខ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៧ ខែមេសា ឆ្នាំ២០១៨ ក្រោមអធិបតីភាព ឯកឧត្តម ខៀវកាញារីទ្ធ រដ្ឋមន្រ្តីក្រសួងព័ត៌មាន និងលោកជំទាវ និងមានការចូលរួមពីលោក កែន សត្ថា អភិបាល នៃគណៈភិបាលខេត្តកែប ព្រមទាំងអភិបាលរងខេត្ត លោកប្រធានមន្ទីរ លោកស្រី អភិបាលស្រុក ព្រមទាំងប្រជាពលរដ្ឋ ប្រមាណជាង៤០០នាក់ផងដែរ៕



