
ភ្នំពេញៈ ម្ចាស់ស្ថានីយប្រេងឥន្ទនៈ ជូនដំណឹងដល់ម្ចាស់រថយន្តហាយឡែនឌ័រ ពាក់ស្លាកលេខភ្នំពេញ 2AR-6513 ឲ្យចូលខ្លួនមកសងលុយថ្លៃសាំងចំនួន៥០ដុល្លារ ដែលចាក់ហើយ មិនបានឲ្យលុយ រួចបើករថយន្តចេញទៅបាត់។
យោងតាមម្ចាស់ស្ថានីយ បានបង្ហោះសារលើបណ្ដាញសង្គមហ្វេសប៊ុកថា “សូមលោកយកលុយទៅសងថ្លៃសាំង ដែលលោកចាក់ផង។ ការចាក់សាំងហើយ បើកចេញទៅមិនឲ្យលុយ មិនមែនក្រថៅកែស្ថានីយទេ តែកម្មករធ្វើការនៅស្ថានីយជាអ្នករងគ្រោះ ព្រោះត្រូវថៅកែកាត់លុយ។ លោកមានឡានជិះហើយ បើលោកភ្លេចសូមប្រញាប់យកលុយមកសងថ្លៃប្រេងគេវិញ”។

សូមរំលឹកថា កាលពីព្រឹកនេះ១៣ ខែឧសភា រថយន្ត ហាយឡែនឌ័រមួយគ្រឿង ពាក់ស្លាកលេខភ្នំពេញ 2AR-6513បាន ចូលចាក់សាំង នៅស្ថានីយមួយកន្លែង តាមបណ្ដោយផ្លូវវេងស្រេង តម្លៃ ៥០ដុល្លារ ក្រោយពីចាក់រួច ក៏បានបើករថយន្តចេញបាត់ទៅ មិនបានឲក្យលុយគេឡើយ។

រថយន្តខាងលើនេះ ជាកម្មសិទ្ធ ក្រុមហ៊ុន ឆាយ លីស រ៉យ៉ាល់ លីស៊ីង មានទីតាំង ស្ថិតនៅតាម ផ្លូវនរោត្តម ភូមិ ១ សង្កាត់ទន្លេបាសាក់ ខណ្ឌចំកាមន៕

វីដេអូ៖