Wednesday, May 30, 2018

ខឹងដកលុយមិនបាន បុរសជនជាតិអ៊ីតាលីម្នាក់ វាយកម្ទេចទូ ATM ធនាគារ ABA

អាម៉ាប៉ាប៉ាញ៉ូស

ភ្នំពេញៈ ជនជាតិអ៊ីតាលីម្នាក់ ត្រូវបានកម្លាំង​នគរបាលប៉ុស្តិ៍ផ្សារថ្មី៣ ឃាត់ខ្លួន បន្ទាប់ពីរូបគេ​បានវាយកម្ទេចទូ ATM របស់ធនាគារ ABA ព្រោះតែខឹងដកលុយមិនបាន ហើយត្រូវលេបកាត់របស់ខ្លួនចូលទៅបាត់នោះ។

ហេតុការណ៍នោះ បានកើតឡើងនៅថ្ងៃទី២៩ ខែឧសភា ឆ្នាំ២០១៨ វេលាម៉ោង៤និង៤៥នាទីល្ងាច នៅចំណុចផ្លូវលេខ១៧២ កែងផ្លូវលេខ៥១ ភូមិទី១១ សង្កាត់ផ្សារថ្មីទី៣ ខណ្ឌដូនពេញរាជធានីភ្នំពេញ។

សមត្ថកិច្ច បានឲ្យដឹងថា ជនបង្ក​ឈ្មោះPATELLA CHRISTIAN  ភេទប្រុស អាយុ៤០ឆ្នាំ ជនជាតិអ៊ីតាលី មុខរបរទេសចរណ៍កាន់លិខិតឆ្លងដែនលេខYA៥៧៩១១៤៨ ស្នាក់នៅសណ្ឋាគារSaravoan នៅទីតាំងលេខ៤៣ ផ្លូវលេខ១៧៨ សង្កាត់ជ័យជំនះ ខណ្ឌដូនពេញ។

អ្នកឃើញហេតុការន៍ បានឲ្យដឹងថា មុនពេលកើតហេតុគេឃើញជនជាតិអ៊ីតាលីរូបនោះ ចេញពីផឹកបានដើរសំដៅមកទូ ATM (ABA)នោះ ដោយប្រើកាត់ធនាគាររបស់ថៃមកស៊ក ដើម្បីដកប្រាក់តែដកមិនបាន ក៏ទូនោះមិនខ្ជាក់កាត់មិនវិញ ធ្វើឲ្យជនបរទេសរូបនោះ ខឹងក៏វាយបំបែកកញ្ចក់ទូនោះតែម្តង។

ក្រោយធ្វើសកម្មភាព​កម្លាំងសន្តិសុខប្រចាំការនៅទូ ATM នោះ ក៏បានរាយការណ៍ប្រាប់សមត្ថកិច្ចមូលដ្ឋានឲ្យចុះមកនាំខ្លួនបញ្ជូនទៅអធិការដ្ឋាននគរបាលខណ្ឌដូនពេញ ដើម្បីកសាងសំណុំរឿងតាមនីតិវិធី៕

@Amapapa.News

Feature Ads