អាម៉ាប៉ាប៉ាញ៉ូស
ភ្នំពេញៈ កម្មករសំណង់ម្នាក់ បានស្លាប់យ៉ាងរន្ធត់ បន្ទាប់ពីកន្រ្តកយន្ត ក្នុងការដ្ឋានសាងសង់មួយកន្លែង សង្កត់ពីលើ ខណៈរូបគាត់ដើរឆ្លងមិនផុត។ ករណីនេះ មិនមានការអនុញ្ញាតឲ្យអ្នកសារព័ត៌មានបានចូលទៅថតផ្តិតយករូបភាព ឬយកព័ត៌មានក្នុងការដ្ឋានបានឡើយ។
ហេតុការណ៍រន្ធត់នេះ បង្កឲ្យមានការភ្ញាក់ផ្អើលកាលពីវេលាម៉ោង១២និង១៥នាទីថ្ងៃអាទិត្យ ៧រោច ខែពិសាខ ឆ្នាំឆ សំរិទិ្ធសក័ ព.ស ២៥៦២ ត្រូវនឹងថ្ងៃទី៦ ខែឧសភា ឆ្នាំ២០១៨ ស្ថិតនៅចំណុចការដ្ឋានសំណង់មួយកន្លែង ភូមិគោកចំបក់ សង្កាត់ចោមចៅ២ ខណ្ឌពោធិ៍សែនជយ័។
ជនរងគ្រោះឈ្មោះ ងួន សូ ភេទប្រុស អាយុប្រហែល៥៤ឆ្នាំ មុខរបរ កម្មករសំណង់ ទីកន្លែងកំណើត ស្រុកត្រាំកក់ ខេត្តតាកែវ បច្ចុប្បន្នស្នាក់នៅកន្លែងកើតហេតុ។
បើតាមប្រភពពីកន្លែងកើតហេតុ បានឲ្យដឹងថា មុនពេលកើតហេតុ ជនរងគ្រោះបានដើរឆ្លងកាត់កន្រ្តកយន្ត តែគាត់ដើរឆ្លងមិនផុត ក៏ត្រូវកន្ត្រកយន្តសង្កត់ពីលើស្លាប់ភ្លាមៗនៅកន្លែងកើតតែម្ដង។
បច្ចុប្បន្ន សពប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណីនៅឯស្រុកកំណើត៕
