ក្រចេះ៖ បុរសម្នាក់ ជាតៃកុងរថយន្តសាំយ៉ុងដឹកឈើ បានរងរបួសធ្ងន់ ក្រោយពីបើករថយន្តបោះពួយយ៉ាងលឿន ចាប់ហ្វ្រាំងមិនជ្រុលទៅបុករថយន្តធុនធំមួយគ្រឿងកំពុងបតឆ្លងផ្លូវ។
គ្រោះថ្នាក់ចរាចរណ៍នេះ កើតឡើងកាលពីល្ងាចថ្ងៃទី១៨ ខែឧសភា ឆ្នាំ២០១៨ លើផ្លូវជាតិលេខ០៧ (ក្រចេះ-ស្ទឹងត្រែង) ត្រង់ចំណុចភូមិបន្ទាយ ឃុំគោលាប់ ស្រុកចិត្របុរី ខេត្តក្រចេះ។
សមត្ថកិច្ចស្រុកចិត្របុរី បានប្រាប់ឲ្យដឹងថា ជនរងគ្រោះឈ្មោះ អ៊ី សុខឃី ភេទប្រុសអាយុ32ឆ្នាំ របួសធ្ងន់ រស់នៅក្នុងភូមិទង់លង់ឃុំព្រៃខ្លា ស្រុកស្វាយអន្ទរ ខេត្តព្រៃវែង។
សមត្ថកិច្ច បន្តថា មុនពេលកើតហេតុជនរងគ្រោះបានបើករថយន្តម៉ាកសាំងយ៉ុង ពណ៌បៃតងចាស់ ដោយមានដឹកឈើដឹកបន្ទះ បានធ្វើដំណើរពីជើងទៅត្បូងក្នុងល្បឿនលឿន មកដល់ចំណុចកើតហេតុ ក៏បានបុកជាមួយរថយន្តធុនធំ ម៉ាកហ៊ីយានដាយ ពណ៌ស ពាក់ស្លាកលេខកំពង់ចាម 3A-5725 ពីក្រោយ ខណៈកំពុងបត់ឆ្លងផ្លូវជិតផុតពេញទំហឹង បណ្ដាឲ្យគៀបជាប់ជនរងគ្រោះ រងរបួសធ្ងន់ ត្រូវបានបញ្ជូនទៅសម្រាកព្យាបាលនៅមន្ទីរពេទ្យខេត្តក្រចេះ។ ចំណែកអ្នកបើកបររថយន្តហ៊ីយ៉ាន់ដាយមិនស្គាល់អត្តសញ្ញាណ រត់គេចខ្លួនបាត់ស្រមោល។
ក្រោយកើតហេតុកម្លាំងនគរបាលស្រុកចិត្របុរី បានអូសយករថយន្តទាំង២គ្រឿង ទៅរក្សាទុកនៅអធិការដ្ឋាននគរបាលស្រុកចិត្របុរី ដើម្បីរង់ចាំការដោះស្រាយពេលក្រោយ៕
