បាត់ដំបង ៖ ក្មេងប្រុសម្នាក់ដែលកំពុងស្ថិតក្នុងវ័យ ជាអនីតិជនត្រូវបានកម្លាំងនគរបាលអធិការដ្ឋាននគរបាលស្រុកមោងឫស្សី ឃាត់ខ្លួនទៅតាមពាក្យបណ្តឹងរបស់ម្តាយ ដោយមានការឯកភាពពីលោកព្រះរាជអាជ្ញាអមសាលាដំបូងផងដែរ ក្រោយធ្លាយរឿងដែលពាក់ព័ន្ធនឹងករណីចាប់រំលោភសេពសន្ថវៈទៅលើប្អូនស្រីបង្កើតរបស់ខ្លួនអស់រយៈពេលរាប់ឆ្នាំរួចមក។
ការឃាត់ខ្លួននេះ បានធ្វើឡើងនៅម៉ោង៥ល្ងាច ថ្ងៃទី៣ ខែឧសភា ឆ្នាំ២០១៨ នៅចំណុចភូមិដេីមដូង ឃុំមោង ស្រុកមោងឫស្សី ខេត្តបាត់ដំបង។
សមត្ថកិច្ចបានឲ្យដឹងថា ជនសង្ស័យជាអនីតិជនខាងលើមានឈ្មោះ ហ.វ.ន ភេទប្រុស អាយុ១៤ឆ្នាំ ត្រូវសមត្ថកិច្ចឃាត់ខ្លួន តាមពាក្យបណ្ដឹងរបស់ម្តាយ ក្រោយរំលោភសេពសន្ថវៈទៅលើប្អូនស្រីបង្កើតរបស់គេដែលមានឈ្មោះ ហ ស ខ អាយុ៨ឆ្នាំ អស់រយៈពេលរាប់ឆ្នាំទើបបែកការ។
តាមការសារភាពរបស់ក្មេងប្រុសរូបនេះបានបញ្ជាក់ថាការឡើងតណ្ហានេះដោយសារតែកន្លងមកខ្លួនធ្លាប់មើលរឿងក្តៅសាច់តាមរយៈទូរស័ព្ទដៃមិត្តភក្តិច្រើនពេកដែលធ្វើឲ្យខ្លួនមានអារម្មណ៍ចង់សាក ចង់ដឹង ក៏ប្រព្រឹត្តរឿងផ្តេសផ្តាស់បែបនេះតែម្ដងទៅ។
ជុំវិញបញ្ហានេះដែរគឺជាសិទ្ធិរបស់តុលាការក្នុងការសម្រេច និងវិនិច្ឆ័យ ព្រោះទាំងក្មេងស្រីរងគ្រោះក៏ដូចជាក្មេងប្រុសជាប់ចោទដោយសារតែពួកគេសុទ្ធតែស្ថិតក្នុងវ័យអនីតិជនទាំងអស់៕
