Wednesday, May 30, 2018

ក្រោយផ្ទុះការរិះគន់ ស្ត្រីម្នាក់​ដែលចាក់សំរាម​បង្ហូរ​លើផ្លូវ​តាមទឹកភ្លៀង​...ត្រូវបាន​យកមក​អប់រំណែនាំ​

អាម៉ាប៉ាប៉ាញ៉ូស

កាលពីម្សិលមិញថ្ងៃទី ២៩ ខែ ឧសភា ប្រិយមិត្តខ្លះ ប្រហែលជាបាន ទស្សនាវីដេអូខ្លី ដែលថតបានដោយប្រជាពលរដ្ឋ ខណៈភ្លៀងកំពុងធ្លាក់ ក៍មានស្រ្តីម្នាក់បានទៅចាក់សំរាមបង្ហូរតាមទឹកហូរនោះឲ្យចេញពីមុខផ្ទះខ្លួន ដោយមិនបានគិតពីបញ្ហាស្ទះលូ និងបរិស្ថាន បង្កឲ្យមានការរិះគន់យ៉ាងចាស់ដៃ ។

ប៉ុន្មានម៉ោងក្រោយមក ថ្ងៃដដែលនេះ​ ត្រូវបានមន្ទីរបរិស្ថាន​ និងរដ្ឋបាលក្រុងព្រះសីហនុ​ យកមកអប់រំណែនាំ​ នៅសាលាក្រុង​ ដោយស្ត្រីរូបនោះ​ បានទទួលស្គាល់កំហុស​ ហើយសូមទោស​ជាសាធារណៈ​ និងចុះកិច្ចសន្យាឈប់ប្រព្រឹត្តនូវទង្វើបែបនេះទៀត ព្រមទាំងឲ្យសាធារណៈជនកុំយកតម្រាប់តាមខ្លួនផងដែរ។

សូមបញ្ជាក់ថា​ ស្ត្រីម្នាក់ដែលធ្វើសកម្មភាពចាក់សំរាមលើផ្លូវសាធារណៈ​ ឱ្យហូរទៅតាមទឹកភ្លៀងនោះ​ មានឈ្មោះ​ ដា​ រ៉ែន​ អាយុ​ ២៩ឆ្នាំ​ គឺមានទីលំនៅស្ថិតក្រោយផ្សាមាន់​ សង្កាត់​ ៤​ ក្រុងព្រះសីហនុ​ ខេត្តព្រះសីហនុ៕

@Amapapa.News

Feature Ads