កោះកុងៈ យ៉ាងហោចណាស់មានមនុស្សចំនួន៣នាក់ បានរងរបួសធ្ងន់ស្រាល ក្នុងហេតុការណ៍គ្រោះថ្នាក់ចរាចរណ៍រថយន្តសាំយ៉ុង ពណ៌បៃតងចាស់ ពាក់ស្លាកលេខ 2AI- 6841បែកកង់ក្រោយខាងឆ្វេង បណ្ដាលឲ្យក្រឡាប់ធ្លាក់ផ្លូវជាច្រើត្រឡប់។
គ្រោះថ្នាកចរាចរណ៍ដោយខ្លួនឯងនេះ កើតឡើងកាលពីវេលាម៉ោង១១ព្រឹកថ្ងៃទី១៨ ខែឧសភា ឆ្នាំ២០១៨ លើផ្លូវលេខ៤៨ ត្រង់ចំណុចគីឡូម៉ែត្រ៥៥ ស្ថិតក្នុងភូមិជីមាល ឃុំអណ្តូងទឹក ស្រុកបូទុមសាគរ ខេត្តកោះកុង។
គ្រោះថ្នាក់ចរាចរណ៍រថយន្តក្រឡាប់ខ្លួនឯងនេះ បណ្តាលឲ្យមនុស្សចំនួន៣នាក់ រងរបួសស្រាល ទី១.អ្នកបើកបរឈ្មោះ នី រី អាយុ៣០ឆ្នាំ ទីលំនៅខណ្ឌព្រៃនប់ ព្រះសីហនុ រងរបួសស្រាល ២.ឈ្មោះ ម៉ាត់ អ៊ូម៉ើត អាយុ៣៣ឆ្នាំ ទីលំនៅក្បាលរមាស ខេត្តកំពត ៣. ឈ្មោះ ម៉ាត់ ឧស្មាន អាយុ៣៥ឆ្នាំ ទីលំនៅក្បាលរមាស ខេត្តកំពត រងរបួសស្រាល។ ចំណែករថយន្តរងការខូចខាតស្រាល៕
