Sponsor
អាម៉ាប៉ាប៉ាញ៉ូស

ភ្នំពេញៈ ដើមឈើ​ដ៏​ធំ​មួយ​ដើម​ ដែល​ដុះ​នៅ​ក្នុង​បរិវេណ​សាល​មហោស្រព​ចតុមុខ​ បានដួល​រលំ ខណៈ​ពេល​មេឃ​កំពុង​តែ​ភ្លៀង​ធ្លាក់​ខ្លាំង ប៉ុន្តែសំណាងល្អ​មិន​បង្កឲ្យ​គ្រោះថ្នាក់​ដល់​អ្នកដំណើរ​តាម​ផ្លូវ ឬ​អ្នក​លក់ដូរ​ក្បែរ​នោះ​។ ហេតុការណ៍​នេះ​ បាន​កើតឡើង​នៅ​វេ​លោ​ម៉ោង​៥៖១០នាទី​ល្ងាច ថ្ងៃ​អាទិត្យ ៦កើត ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី​២០ ខែឧសភា ឆ្នាំ​២០១៨ នៅ​ចំណុច​សាល​មហោស្រព​ចតុមុខ ដែល​ស្ថិត​តាម​បណ្តោយ​ផ្លូវ​សុធារស ក្នុង​សង្កាត់​ចតុមុខ ខណ្ឌដូនពេញ​ រាជធានីភ្នំពេញ។

សមត្ថ​កិច្ច​​ប្រាប់ឲ្យ​ដឹង​ថា នៅមុន​ពេល​កើតហេតុ គឺ​មេឃ​មាន​ភ្លៀង​ធ្លាក់ និង​ខ្យល់​បក់​បោក​យ៉ាង​ខ្លាំង​ ហើយពេល​ដែល​កំពុង​តែ​មាន​ភ្លៀង​ធ្លាក់​ខ្លាំង និង​ថែម​ទាំង​មាន​ខ្យល់​បក់​ផង​ដែរ​នោះ ក៏​បាន​ធ្វើ​ឲ្យ​ដើមឈើ​ដ៏​ធំ​មួយ​ដើម ដែល​ដុះ​ខាងក្នុង​បរិវេណសាល​មហោស្រព​ចតុមុខ បាក់​គល់​ដួល​រលំ​សង្កត់​លើ​របង និង​ដួល​មក​លើ​ផ្លូវ​ផ្លូវ​សុធារស​តែ​ម្តង​។ យ៉ាងណាសមត្ថកិច្ចថា ហេតុការណ៍​ដួល​រលំ​ដើមឈើ​ដ៏​ធំ​នេះ មិន​បាន​បង្ក​ឲ្យ​អ្នកដំណើរ​តាម​ផ្លូវ ឬប្រជាពលរដ្ឋ ​ដែលលក់ដូរ​ក្បែរ​ៗ​នោះ​ណា​ម្នាក់​រងគ្រោះថ្នាក់​ឡើយ ដោយ​គ្រាន់តែបាក់​របង​សាល​មហោស្រព​អស់​មួយចំនួន​ប៉ុណ្ណោះ​។

បើតាមសម្ដីអាជ្ញាធរ ដែលចុះដល់កន្លែងកើតហេតុ ប្រាប់ឲ្យដឹងថា ដើមឈើ​ដែល​បាក់​ដួល​រលំ​នេះ គឺជា​ប្រភេទ​ឈើ​ក្តុល ដែល​មាន​អាយុកាល​រាប់​សិប​ឆ្នាំ​មក​ហើយ ដោយសារ​តែ​មាន​ភាព​វ័យ​ចំណាស់របស់​ដើមឈើ​នេះ ទើប​បណ្តាល​ឲ្យ​ដួល​បាក់​រលំ​ តែ​សំណាងល្អ​ដែល​មិន​បណ្តាល​ឲ្យ​មាន មនុស្ស​ណា​ម្នាក់​រងគ្រោះថ្នាក់​។

ក្រោយ​ពេល​កើតហេតុ កម្លាំង​សម​ត្ថកិច្ច​មូលដ្ឋាន​ ក៏​បាន​ចុះ​មក​ដល់កន្លែង​ដើមឈើ​រលំ ធ្វើការ​សម្រួល​ចរាចរណ៍​កុំ​ឲ្យ​មានការ​កកស្ទះ និង​យករ​ណា​មក​កាត់​យកដើមឈើ​ចេញ​ផង​ដែរ​៕

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post
Sponsor