Sunday, May 27, 2018

ងោកមួយភាំង សាំយ៉ុងរេចង្កូត​ក្រឡាប់​​ធ្លាក់​ផ្លូវ ស្លាប់តៃកុង និងអ្នករួមដំណើរ៤នាក់ របួសធ្ងន់ស្រាល

អាម៉ាប៉ាប៉ាញ៉ូស

ព្រះសីហនុៈ រថយន្តសាំយ៉ុង ដោយសារ​អ្នកបើកបរងងុយដេក បានរេចង្កូតក្រឡាប់ធ្លាក់ផ្លូវ បណ្ដាលឲ្យអ្នកបើកបរស្លាប់ភ្លាមនឹងកន្លែងកើតហេតុ ចំណែករួមដំណើរ៤នាក់រងរបួសធ្ងន់ស្រាល។

គ្រោះថ្នាក់ចរាចរណ៍រថយន្តក្រឡាប់ដោយខ្លួនឯងនេះ កើតឡើងកាលពីវេលាម៉ោង៦៖២០នាទីព្រឹកថ្ងៃ​ទី​២៧​ ខែ​ឧសភា​​ ឆ្នាំ​២០១៨​ លើផ្លូវ​ជាតិ​លេខ​៣​ ចន្លោះ​គីឡូម៉ែត្រ​១៩៣-១៩៤​ ស្ថិតនៅ​ក្នុង​ភូមិ​ព្រែកផ្អាវ​ ឃុំ​ទឹកល្អក់​ ស្រុក​ព្រៃនប់​ ខេត្ត​ព្រះសីហនុ។

សមត្ថកិច្ច បានឲ្យដឹងថា រថយន្ត​បង្កដោយ​ខ្លួន​ឯងនេះ ម៉ាក​ SSANGYONG  ​ពណ៌​ស្លែ​ ពាក់ស្លាកលេខ​កំពង់ចាម ​2A-0537 ទិសដៅពី​ខេត្ត​កំពត​ ឆ្ពោះ​មក​ខេត្ត​ព្រះសីហនុ​ លុះដល់ចំណុចខាងលើ​អ្នកបើកបរងងុយ​ដេក​ រ៉េចង្កូត​មក​ខាង​ស្តាំ​ដៃ​ធ្លាក់​ផ្លូវ​ក្រឡាប់​តែ​ម្ដង ​

សមត្ថកិច្ច បានបន្តថា ជនរងគ្រោះបើកបរ​ដោយ​ឈ្មោះ​ សុខ​ ម៉ាប់​ ភេទ​ ប្រុស​ អាយុ​៤១ឆ្នាំ​ មានទីលំនៅ​ភូមិ​ស្រែព្រៃ​ ឃុំ​វត្តអង្គខាងត្បូង​ ស្រុក​ឈូកមាស​ ខេត្ត​កំពត​ (ស្លាប់)  និង​៤នាក់​​ រងរបួសមធ្យម ១-ឈ្មោះ​ ឈា​ ភេទ​ប្រុស​ អាយុ​៦៨ឆ្នាំ ២-ឈ្មោះ​ ង៉យ​ ភឿន​ ភេទ​ស្រី​ អាយុ​ ៣៩ឆ្នាំ​ ៤-ឈ្មោះ​ កប​ ធា​ ភេទ​ស្រី​ អាយុ​៤០ឆ្នាំ ៥-ឈ្មោះ​ កប​ ឃីម​ ភេទ​ស្រី​ អាយុ​៣០ឆ្នាំ​ អ្នក​រួម​ដំណើរ​ទាំងអស់​ មានទីលំនៅ​ដូច​អ្នកបើកបរ​ រថយន្ត។

ក្រោយកើតហេតុសាកសពត្រូវបានក្រុមគ្រួសារយកទៅធ្វើបុណ្យតាមប្រពៃណី ចំណែកអ្នករងរបួស បានបញ្ជូនមកព្យាបាលនៅគ្លីនិកលិគឹមឌីវាលរេញ ក្នុងឃុំវាលរេញ ស្រុកព្រៃនប់ ។  បច្ចុប្បន្នរថយន្ត​ សមត្ថកិច្ចអូសយក​មក​រក្សាទុក​នៅ​អធិការ​ដ្ឋាន​នគរបាល​ស្រុក​ព្រៃនប់​៕

@Amapapa.News

Feature Ads