ភ្នំពេញៈ នៅមុននេះបន្តិចលោក ផែង វណ្ណៈ បានបង្ហោះនៅលើទំព័រហ្វេសបុកផេករបស់លោក ប្រាប់ពីករណីផ្ទុះអាវុធមួយ ដែលលោកបានរៀបរាប់ថា ” ផូង ផូង ផូង គឺជាស្នូរកាំភ្លើងរបស់ឧត្ដមសេនីយ៍ ម៉ៅ ឧត្ដម នាយទាហានជាន់ខ្ពស់នៅ ង.៧០។
មានករណីផ្ទុះអាវុធមួយ បានកើតឡើងកណ្ដាលរាត្រី ថ្ងៃចន្ទ ៧កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២១ ខែឧសភា ឆ្នាំ២០១៨ នៅចំណចក្លិបកម្សាន្តមួយកន្លែង ស្ថិតនៅក្នុងសង្កាត់ទន្លេបាសាក់ ខណ្ឌចំការមន ដោយឧត្ដមសេនីយ៍ ម៉ៅ ឧត្ដម នាយទាហានជាន់ខ្ពស់នៅ ង៧០ ទើបមកពីប្រទេសបារាំងថ្មីៗនេះ។
<
p>ពាក់ព័ន្ធនឹងករណីផ្ទុះអាវុធនេះ សមត្ថកិច្ចមូលដ្ឋានបានឆ្លើយថា មិនបានដឹងនោះទេ រង់ចាំស្រាវជ្រាវសិន។
ដូច្នេះ បើសមត្ថកិច្ចឆ្លើយថាអត់ដឹងបែបនេះ ផែង វណ្ណៈ ខ្សឹបប្រាប់បន្តិចទៅចុះថា អ្នកបាញ់គឺជាឧត្ដមសេនីយ៍ ម៉ៅ ឧត្ដម ជិះរថយន្ត Alphard ពណ៌ស ពាក់ស្លាកលេខ រាជការ ។ សូមមេត្តាចាត់វិធានការណ៍ច្បាប់ចំពោះករណីនេះផង។
គួរបញ្ជាក់ថា ចន្លោះពីខែមេសា ដល់ខែឧសភា ឆ្នាំ២០១៨ នេះ នាយទាហានថ្នាក់ឧត្ដមសេនីយ៍ និងនាយនគរបាលជាន់ខ្ពស់ថ្នាក់ឧត្ដមសេនីយ៍ ៣នាក់ហើយ បានជាប់ពន្ធនាគារដោយតែការបាញ់បោះ ក្នុងនោះរួមមាន ទី១.ឧត្ដមសេនីយ៍ ប៉ិច តុងហេង ម្ចាស់ខុនដូនៅបឹងកេងកង៣ ខណ្ឌចំការមន ជាប់ពន្ធនាគារព្រោះដកកាំភ្លើងវាយអ្នករើសអេដចាយ ទី២.ឧត្ដមសេនីយ៍ទោ ហូ ចំរើន ជាប់ពន្ធនាគារដោយសារតែបាញ់គំរាមឪពុកក្មេក និងទី៣.ឧត្ដមសេនីយ៍ឯក ហ៊ុន ជា ជាប់ពន្ធនាគារ ព្រោះបាញ់បោះក្នុងផ្ទះ។
យើងរង់ចាំមើលថា តើលោកឧត្ដមសេនីយ៍ ម៉ៅ ឧត្ដម នាយទាហានជាន់ខ្ពស់នៅ កងពលតូច ង៧០ រួចខ្លួន ឬយ៉ាងណា?៕
