Loading...

Wednesday, May 30, 2018

នារីម្នាក់ បើករថយន្ត ford បុកម៉ូតូ DUKE បុរស២នាក់ រងគ្រោះរបួសធ្ងន់ស្រាល

អាម៉ាប៉ាប៉ាញ៉ូស

​ភ្នំពេញៈ បុរស២នាក់ កំពុងតែជិះម៉ូតូ DUK ត្រូវ​បាននារីម្នាក់បើក​រថយន្ត​មួយ​គ្រឿងម៉ាកford RANGER បើកបរ​យ៉ាង​លឿន​ដោយ​ខ្វះ​ការ​ប្រុង​ប្រយ័ត្ន​ទៅ​បុកម៉ូតូខាងលើ​ពេញទំហឹងហើយបានកិនពីលើទៀត បណ្ដោយឲ្យ​​រង​របួស​ធ្ងន់ស្រាល ត្រូវបានរថយន្តសង្គ្រោះដឹកមន្ទីរពេទ្យភ្លាមៗផងដែរ​។

ហេតុការណ៍នេះ បានកើតឡើងកាលពីម៉ោងជិត៣រសៀលថ្ងៃទី៣០ ខែឧសភា ឆ្នាំ២០១៨ នៅតាមផ្លូវលេខ៥៧ កែងនឹងផ្លូវលេខ៣៦០ ក្បែរស្ថានីយទូរទស្សអប្សារា ស្ថិតនៅក្នុងសង្កាត់បឹងកេងកង១ ខណ្ឌចំការមន រាជធានីភ្នំពេញ។

តាម​ប្រភព​ព័ត៌មាន​ពី​នគរបាល​បាន​ប្រាប់​ឱ្យ​ដឹង​ថា មុន​ពេល​កើតហេតុ នារីម្នាក់បានបើករថយន្តបង្កម៉ាក ford RANGER ពណ៌ស ពាក់ស្លាកលេខ ភ្នំពេញ 2AU-6598  ក្នុងទិសដៅពីជើងទៅត្បូងខណៈមកដល់ចំណុចកើតហេតុខាងលើ ក៏ជ្រុលទៅបុក​ ម៉ូតូមួយគ្រឿងម៉ាកDUK ពណ៌ស បើកដោយបុរស​២នាក់កំពុងឌុបគ្នា ក្នុង​ទិស​ដៅ​ពី​កើតទៅ​លិច​ពេញទំហឹង បណ្ដាល​ឲ្យ​បុរសទាំង២នាក់ រងរបួសធ្ងន់ស្រាល ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗផងដែរ។

ក្រោយកើតហេតុសមត្ថកិច្ចមូលដ្នានបានចុះមកដល់កន្លែងកើតហេតុនិង​ធ្វើការ​វាស់វែង​​រថយន្ត​បង្ក និង​ម៉ូតូ​​យក​ទៅ​រក្សា​ទុក​នៅ​អធិការដ្ឋាន​ខណ្ឌចំការមន ដើម្បី​រង់ចាំ​ធ្វើការ​ដោះស្រាយ​គ្នា​ជា​ក្រោយ​៕

@Amapapa.News

Feature Ads