Sunday, June 3, 2018

រថយន្តធុនយក្ស២គ្រឿង បោលបុកគ្នាទាំងកំរោល មនុស២នាក់ រងរបួសធ្ងន់ធ្ងរ

អាម៉ាប៉ាប៉ាញ៉ូស

កំពតៈ ​រថយន្ត​ធុនយក្ស​ពីរ​គ្រឿង​ បោលបុក​គ្នាពេញទំហឹង បណ្ដាលឲ្យមនុស្ស​ពីរ​នាក់ ​រងរបួស​ធ្ងន់។

គ្រោះថ្នាក់​ចរាចរ​ណ៍​គួរឱ្យ​រន្ធត់​ខាងលើនេះ កើតឡើងវេលា​ម៉ោង​៨ និង​៤០​នាទី​ព្រឹក​ថ្ងៃទី​៣ ខែមិថុនា ឆ្នាំ​២០១៨​ ​នៅលើ​ផ្លូវជាតិ​លេខ​៣ ត្រង់ចំណុច​ក្បែរផ្លូវ​ចូល​កំពង់ផែ​គីឡូ​ដប់​ពីរ  ស្ថិតក្នុង​ភូមិ​គីឡូ​ដប់​ពីរ ឃុំ​កោះ​តូច ស្រុក​ទឹកឈូ ខេត្តកំពត​។

​អ្នកឃើញហេតុការណ៍ បានឲ្យដឹងថា មុនពេល​កើតហេតុ​គេ​ឃើញ រថយន្ត​ហ៊ីយ៉ាន់ដាយ​ធុន​ធំ​ដឹក​ស៊ីម៉ងត៍​មួយគ្រឿង ធ្វើដំណើរ​ក្នុងទិសដៅ​ពី​កើ​តទៅ​លិច​ លុះមកដល់ចំណុចកើតហេតុ បានបុក​ជាមួយ​រថយន្ត​ធុន​ធំ​មួយគ្រឿង​ទៀត​ម៉ាក​ហ៊ី​ណូ ក្នុងទិសដៅបញ្រ្ចាសគ្នា​ពេញទំហឹង​លាន់រន្ទះ បណ្ដាលឲ្យមនុស្ស២នាក់ រងរបួសធ្ងន់។

អ្នកឃើញហេតុការណ៍ បន្តថា ក្រោយកើតហេតុភ្លាម ​អ្នកភូមិ​​ចូលទៅ​ជួយ ដោយឃើញ​​បុរស​ពីរ​នាក់ ជាប់​​ក្នុង​កាប៊ីន​រថយន្ត​ហ៊ីយ៉ាន់ដាយ ស្ថិតក្នុង​ស្ថានភាព​របួស​ធ្ងន់ ទើប​នាំគ្នា​យកចេញ និង​ហៅ​រថយន្ត​ដឹក​ទៅកាន់​មន្ទីរ​ជាបន្ទាន់​។

សមត្ថកិច្ចស្រុកទឹកឈូ បានឲ្យ​ដឹងថា ជនរងគ្រោះ​ទាំងពីរ​នាក់ ១. ឈ្មោះ​ ស៊ុន ចន្ថា អាយុ ២៣​ឆ្នាំ ជា​អ្នកបើកបរ​រថយន្ត​  ២. ឈ្មោះ ឡុង តិច អាយុ ៤៥​ឆ្នាំ​ អ្នកទាំងពីរ​​ត្រូវជា​ឪពុក និង​កូន ហើយមាន​ទីលំនៅ​ភូមិ​ព្រៃ​ដុប ឃុំ​ស្វាយ​រំពា ស្រុក​បរសេដ្ឋ ខេត្តកំពង់ស្ពឺ​។ ដោយឡែក​អ្នកបើកបរ​រថយន្ត​ហ៊ី​ណូ បន្ទាប់ពីកើតហតុភ្លាម​ បើកទ្វាររថយន្ត​​រួច​រត់គេច​បាត់៕

@Amapapa.News

Feature Ads