នៅថ្ងៃទី១២ ខែមិថុនា ឆ្នាំ២០១៨ នេះ លោក ប៉ា ងួនទៀង នាយកប្រតិបត្តិមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ បានសរសរប្រាប់ពីជំហររបស់លោកជុំវិញរឿងទៅ ឬមិនទៅបោះឆ្នោត នាខែកក្កដា ឆ្នាំ២០១៨ ខាងមុខថា៖ គណបក្សនយោបាយនានាក្នុងប្រទេសកម្ពុជាមានជំហរខុសៗគ្នា ជា៣ក្រុមទាក់ទិននឹងការបោះឆ្នោតខាងមុខ៖ ១) គណបក្សប្រជាជនកម្ពុជា (CPP) និង គណបក្សប្រជាធិបតេយ្យមូលដ្ឋាន (GDP) បានធ្វើយុទ្ធនាការគៀងគរប្រជាពលរដ្ឋនិងសហគមន៍អន្តរជាតិឱ្យគាំទ្រការបោះឆ្នោតនេះ។ ដោយឡែក ២) គណបក្សសង្គ្រោះជាតិ (CNRP) បានធ្វើយុទ្ធនាការផ្ទុយពីនេះ។
និង ៣) គណបក្សដទៃទៀតនៅស្ងៀម។ តែទោះជាយ៉ាងណា ក៏ដោយ ក៏គណបក្សទាំងនេះមានចំណុចរួម២ គឺត្រូវការការគាំទ្រពីប្រជាពលរដ្ឋ និង សហគមន៍អន្តរជាតិដូចគ្នា។
លោក ប៉ា ងួនទៀង បានលើកជាសំណួរថា៖ តើយើងជាប្រជាពលរដ្ឋគួរមានជំហរបែបណា? សម្រាប់រូបលោកផ្ទាល់ខ្លួន បានសរសេរសារនៅលើចង្អុលដៃរបស់នេះ។
គួររំលឹកថា លោក ប៉ា ងួនទៀង រងពាក្យបណ្តឹងទាក់ទងនឹងអតីតគណៈកម្មាការរៀបចំបុណ្យសពលោកបណ្ឌិត កែម ឡី ពីបទកិបគេងប្រាក់បុណ្យ ដែលប្តឹងដោយលោក ពេជ្រ ស្រស់ ប្រធានគណបក្សយុវជនកម្ពុជា។
