ឧត្តរមានជ័យៈ បុរសជនជាតិអ៊ីរ៉ង់ម្នាក់ បើករថយន្តក្នុងល្បឿនលឿន បណ្តាលឲ្យរេចង្កូតក្រឡាប់ រងរបួសធ្ងន់ ស្ថិតក្នុងភូមិថ្នល់បត់ សង្កាត់កូនក្រៀល ក្រុងសំរោង ខេត្តឧត្តរមានជ័យកាលពីថ្ងៃទី៦ ខែមិថុនា ឆ្នាំ២០១៨។
ករណីនេះ រថយន្តម៉ាកហ៊ីយ៉ានដាយ ពាក់ស្លាកលេខ 2AJ-9511 បើកបរដោយឈ្មោះ HOSSEIN បើកបរ តាមបណ្តោយផ្លូវ៦៨ ពីជើងទៅត្បូង លុះដល់ចំណុចកើតហេតុ បាត់បង់ម្ចាស់ការ បណ្តាលឲ្យរថយន្ត រេចង្កូតក្រឡាប់ តែម្តង ។ ចំណែករថយន្តរងការខូចខាតស្ទើរទាំងស្រុង។
សមត្ថកិច្ចមូលដ្ឋាន ចុះដល់កន្លែងកើតហេតុ យកជនរងគ្រោះទៅសង្គ្រោះ នៅមន្ទីរពេទ្យ ចំណែករថយន្ត ត្រូវបានយកទៅរក្សាទុក រងចាដោះស្រាយ នៅពេលក្រោយ៕