Saturday, June 2, 2018

ឧត្ដមសេនីយ៍ទោ​ ជួន​ ណារិន្ទ បញ្ជាឲ្យហៅ​ ប្រធានគណនី​កាស៊ីណូ​​ មកសុំទោសម្ដាយបុគ្គលិក​

អាម៉ាប៉ាប៉ាញ៉ូស

បន្ទាប់ពីមានការរិះគន់យ៉ាងព្រោងព្រាត លើបណ្ដាញសង្គមហ្វេសប៊ុកទាក់ទងនឹងលោក លោក​ ខេន​ ដារិន​ ប្រធានគណនី​ កាស៊ីណូ​ Queenco នៅខេត្តព្រះសីហនុ​ ដោយបានជេរប្រមាថបុគ្គលិកក្រោមបង្គាប់របស់ខ្លួន ហើយរាលដាលដល់​ ម្ដាយរបស់បុគ្គលិករូបនោះទៀតផង​ ហើយអ្វីដែលកាន់តែហួសចិត្តថែមទៀតនោះ​ គឺ​ លោក​ ខេន​ ដារិន​ ដែលជេរម្ដាយគេហើយ​ ឲ្យគេសុំទោសខ្លួនថែមទៀត​ ចំពោះទង្វើរបស់លោក​ ខេន​ ដារិន​ ជេរម្ដាយបុគ្គលិក​ លោក​ ខេន​ ដារិន​ មិនបានសុំទោសនោះទេ​ ។​

នៅព្រឹកថ្ងៃទី​ ២​ ខែ​ មិថុនា​ ឆ្នាំ​ ២០១៨​ លោក​ឧត្ដមសេនីយ៍ទោ​ ជួន​ ណារិន្ទ​ ស្នងការនគរបាលខេត្តព្រះសីហនុ​ បានថ្លែងប្រាប់សារព័ត៌មាន PVN ឲ្យដឹងថា​ បន្ទាប់ពីលោកបានមើលឃើញវីដេអូ​ ប្រធានគណនី​ កាស៊ីណូ​ នៅកំពង់សោម​ ជេរម្ដាយបុគ្គលិកដោយពាក្យអសុរស​ លោកឧត្ដមសេនីយ៍ទោ​ស្នងការ​បានបញ្ជាឲ្យ​ស្នងការរងទទួលបន្ទុក​ព្រហ្មទណ្ឌកោះហៅ​ប្រធានគណនី​ ឈ្មោះ​ ខេន​ ដារិន​ និង​ បុគ្គលិក​ សណ្ឋាគារ​ និង​ កាស៊ីណូ​ Queenco នៅខេត្តព្រះសីហុន​ មកដោះស្រាយ​ នៅស្នងការដ្ឋាន​នគរបាលខេត្តព្រះសីហនុ​ ។​

លោកឧត្ដមសេនីយ៍ទោ​ ជួន​ ណារិន​ បានបន្តឲ្យដឹងថា ការកោះហៅនេះ គឺ ឲ្យលោក​ ខេន​ ដារិន​ ប្រធានគណនី​កាស៊ីណូ​ Queenco ធ្វើការសុំទោសម្ដាយរបស់យុវជនម្នាក់ដែលជាបុគ្គលិកនៅកាស៊ីណូ​ ។​

លោក​ ខេន​ ដារិន​ ប្រធានគណនី​កាស៊ីណូ​ Queenco

ចំណែកយុវជនជាបុគ្គលិកដែលធ្វើការខុសឆ្គងនៅក្នុងក្រុមហ៊ុន​ ឬ​ មានកំហុសឆ្គងចំពោះ លោក​ ខេន​ ដារិន​ ត្រូវសុំទោសលោក​ ខេន​ ដារិន​ វិញផងដែរ​ ៕

បុគ្គលិក Ong Keo Sovann
@Amapapa.News

Feature Ads