Saturday, June 2, 2018

លោក ហ៊ុន ម៉ាណែត ៖ សមិទ្ធផលនានា គឺសុទ្ធសឹងកើតចេញពី​អំណោយផលនៃសន្តិភាព របស់ប្រទេសជាតិ

អាម៉ាប៉ាប៉ាញ៉ូស

កំពតៈ ក្នុ​ងពិធីបុណ្យបញ្ជុះខណ្ឌសីមា​ឆ្លងព្រះវិហារ និងសម្ពោធដាក់ឲ្យ​ប្រើប្រាស់សមិទ្ធផលនានានៅក្នុងវត្តបរិវាស ស្ថិតនៅក្នុងភូមិបរិវាស ឃុំសំរោងលើ ស្រុកបន្ទាយមាស ខេត្តកំពត លោក ហ៊ុន ម៉ាណែត បានមានប្រសាសន៍ថា សមិទ្ធផលនានាខាងលើនេះ​ គឺសុទ្ធសឹងកើតចេញពី​អំណោយផល នៃសន្តិភាពដ៏​ពេញលេញរបស់ប្រទេសជាតិ។

ពិធីបញ្ជុះខណ្ឌសីមា​ឆ្លងព្រះវិហារ និងសម្ពោធដាក់ឲ្យ​ប្រើប្រាស់សមិទ្ធផលនានា នៅក្នុងវត្តបរិវាស ធ្វើឡើង​នៅព្រឹក​ថ្ងៃ​សៅរ៍ ៤រោច ខែជេស្ឋ ឆ្នាំចសំរីទ្ធិស័ក ព.ស ​២៥៦២​ ត្រូវនឹង​ថ្ងៃទី២ ខែមិថុនា ​ឆ្នាំ២០១៨ ដោយមានការចូលរួមពីសំណាក់លោក ជាវ តាយ អភិបាល​ នៃគណៈអភិបាលខេត្ត​កំពតផងដែរ។

​លោក ហ៊ុន ម៉ាណែត នាយរងសេធិការចម្រុះ​នៃកងយោធ​ពលខេមរភូមិន្ទ និង ជាមេបញ្ជាការកងទ័ពជើងគោក ក៏​បានថ្លែងអំណរគុណ និងកោតសរសើរចំពោះបងប្អូនបានមកចូលរួមយ៉ាងច្រើនកុះករ និងអាជ្ញាធរនៅគ្រប់លំដាប់ថ្នាក់ និងប្រជាពលរដ្ឋ​នៅក្នុងមូលដ្ឋាន ដែលបានរួមសហការគ្នាកសាងនូវសមិទ្ធផលនេះឡើង និងបានចាត់ទុកព្រះវិហារបរិវាស រួមនិង​សមិទ្ធផល​នានា ​ដែលត្រូវសម្ពោធដាក់ឲ្យ​ប្រើប្រាស់​នាពេល​នេះផង គឺពិតជាបានរួមចំណែក​យ៉ាងប្រសើរក្នុងចំណោម​សមិទ្ធផលធំធេងជាច្រើនទៀតរបស់រាជរដ្ឋាភិបាល ដើម្បីជាការឆ្លើយតបបម្រើឲ្យ​វិស័យធនធានមនុស្សនៅក្នុងខេត្តកំពតទៀតផង។ ដែលរាជរដ្ឋាភិបាលក្រោមការដឹកនាំរបស់សម្ដេចតេជោ ហ៊ុន ​សែន តែងតែ​បានចាត់ទុក វិស័យអប់រំ គឺជាវិស័យ​អាទិភាព ក្នុងចំណោមវិស័យអាទិភាពទាំង ៤ក្នុងកិច្ចអភិវឌ្ឍប្រទេសជាតិយើងដូចជា-ផ្លូវ -ភ្លើង ទឹកនិងធនធានមនុស្ស។​

លោក​ ហ៊ុន ម៉ាណែត ក៏បានបន្តលើកឡើងថា អំពីបរិបទអំណោយផលដ៏ថ្លៃថ្លា នៃប្រទេសជាតិ នាពេលបច្ចុប្បន្ន ដែលកំពុងមានសុខសន្តិភាពពេញលេញ និងមានការអភិវឌ្ឍយ៉ាងខ្លាំក្លាថែមទៀតផងនោះ។ ហើយសមិទ្ធផលនានានៅក្នុងវត្តបរិវាស ទាំងអស់នោះ​គឺសុទ្ធសឹង​បានកើតចេញពីអំណោយផលនៃសន្តិភាពយ៉ាងពិតប្រាកដ តាមរយៈយុទ្ធសាស្ត្រឈ្នះៗ​ក្រោមការដឹកនាំរបស់សម្ដេចតេជោ ហ៊ុន សែន នាយក​រដ្ឋមន្ត្រី​នៃព្រះ​រាជាណាចក្រ​កម្ពុជា​នៅក្ទុងប្រទេសកម្ពុជាផងដែរ។ លោកថា ដោយមើលឃើញពីសច្ចភាពនេះហើយ គណបក្ស​ប្រជាជនកម្ពុជា នៅតែទទួលបាន​ការគាំទ្រពី​ប្រជាពលរដ្ឋ ភាគច្រើនទីបំផុត នៅតែបន្តការជឿជាក់ និងផ្ដល់ទំនុកចិត្តលើការដឹកនាំដ៏ត្រឹមត្រូវ របស់​គណបក្ស​ប្រជាជនកម្ពុជា ដែល​មានសម្ដេច តេជោ​ ហ៊ុន សែន ​ជានា​យករដ្ឋមន្ត្រីនិងជាប្រធានគណបក្សប្រជាជនកម្ពុជា។

ហើយក្នុងនោះដោយផ្ដើមចេញពីសារៈប្រយោជន៍​នៃសន្តិភាពនេះដែរ លោក ហ៊ុន ម៉ាណែត ក៏បានផ្ដាំផ្ញើ​ដល់បងប្អូន ប្រជាពលរដ្ឋ ទាំងអស់គ្នាផងដែរថា ត្រូវ​ចូលរួមថែរក្សាអោយបាននូវសុខ សន្តិភាព ដ៏ថ្លៃថ្លានេះ​សម្រាប់​កូនចៅនៅជំនាន់ក្រោយរបស់យើងទាំងអស់គ្នាផង៕

@Amapapa.News

Feature Ads